Sjálfboðin vinna að náttúruvernd

Sjálfboðaliðasamtök um náttúruvernd gangast fyrir tveimur vinnuferðum á Reykjanesskaga í næstu viku, í bæði skiptin til að fylgjast með og hægja á útbreiðslu lúpínu á friðuðum svæðum.

Fyrri ferðin er á Vogastapa að kvöldi þriðjud. 3. júní. Þar mun fólk kynnast hluta af gömlu þjóðleiðinni milli Voga og Njarðvíkur og verður unnið við að hægja á og helst stöðva framrás lúpínu sem annars myndi hylja götuna. Þetta er framhald af verkefni undanfarinna ára.  Mæting við Íþróttamiðstöðina í Vogum kl. 19 - eða á Vogastapa. Umsjón: Þorvaldur Örn, sími 895 6841.

Síðari ferðin er í Reykjanesfólkvang:  öku- og gönguferð laugard. 7. júní.

Ekið verður um fólkvanginn fagra og gengnar styttri göngur til að kortleggja útbreiðslu lúpínu og fjarlægja minnstu breiðurnar, í samvinnu við landvörð. Framhald verkefnis frá í fyrra.  Mæting við Seltún í Krýsuvík kl. 10.  Umsjón: Þorvaldur Örn, sími 895 6841.