Setjið X við D - Það skiptir Suðurnesin miklu máli
Á næstu árum ætlar Reykjanesbær sér stóra hluti í atvinnu- og ferðamálum, umhverfis- og menntamálum svo eitthvað sé nefnt. Til að árangur náist í þessum stóru málaflokkum er mikilvægt að sá stöðuleiki sem ríkisstjórn Davíðs Oddssonar hefur skapað haldist. Í þeim aragrúa skoðanakannanna sem flætt hefur yfir landsmenn er niðurstaðan sú að góður möguleiki er á að sjálfstæðismenn nái fimm mönnum í Suðurkjördæmi og að Böðvar Jónsson bæjarfulltrúi verði einn af okkar öflugu þingmönnum. Þetta er niðurstaða sem skiptir okkur Suðurnesjamenn miklu máli enda hefur Böðvar víðtæka þekkingu á svæðinu og þeim verkefnum sem þar bíða úrlausnar. Sem formaður bæjarráðs, formaður Samband sveitarfélaga á Suðurnesjum og þingmaður svæðisins getur Böðvar tryggt okkar málum brautargengi til langrar framtíðar.
Sem bæjarfulltrúi Sjálfstæðismanna hef ég kynnst Böðvari Jónssyni mjög náið. Það er engum blöðum um það að fletta að þarna fer fram kraftmikill og góður drengur. Heiðarleiki, dugnaður og festa eru þau orð sem fyrst koma upp í hugann. Á síðustu árum hef ég m.a. unnið að nýjum hugmyndum og framkvæmdum í þágu lands og lýðs. Á bakvið hvert mál þarf stuðning og það hefur því verið mér gæfa að geta lagt sumar þessara hugmynda undir Böðvar og fengið þar þá innsýn sem hann býr yfir svo ekki sé talað um jákvæðar ábendingar þegar framkvæmda áráttan hefur tekið völdin.
Kæru Suðurnesjamenn,
Í Suðurkjördæmi spila Suðurnesjamenn lykilstöðu fyrir Sjálfstæðisflokkinn. Efnilegur og reyslumikill stjórnmálamaður, Árni Ragnar Árnason, leiðir kjördæmið og skipar þar fyrsta sætið en mikilvægt er að tryggja Suðurnesjum forystuhlutverk í nýju kjördæmi með góðri kosningu á svæðinu. Árni Ragnar ber hagsmuni svæðisins fyrir brjósti og var m.a. fyrstur með þingsályktunartillögu um tvöföldun Reykjanesbrautar og hefur síðustu ár átt virðingarvert samstarf við áhugahóp um málefnið þar sem undirritaður fer með forstöðu. Þá skipar Böðvar Jónsson baráttusætið í kjördæminu eins og áður sagði.
Í mínum huga skipta því kosningarnar 10. maí meira máli en oft áður. Stóru tækifærin eru til staðar og mikilvægt að spyrja sjálfan sig hverjum við treystum best til að tryggja málum Suðurnesjamanna framgang s.s. eðlileg samskipti við Varnarliðið, efla atvinnumál og tryggja góð samskipti við hið háa Alþingi.
Mitt val er auðvelt. Ég mun setja X við D.
Áfram Ísland.
Steinþór Jónsson,
Bæjarfulltrúi Sjálfstæðismanna í Reykjanesbæ.
Sem bæjarfulltrúi Sjálfstæðismanna hef ég kynnst Böðvari Jónssyni mjög náið. Það er engum blöðum um það að fletta að þarna fer fram kraftmikill og góður drengur. Heiðarleiki, dugnaður og festa eru þau orð sem fyrst koma upp í hugann. Á síðustu árum hef ég m.a. unnið að nýjum hugmyndum og framkvæmdum í þágu lands og lýðs. Á bakvið hvert mál þarf stuðning og það hefur því verið mér gæfa að geta lagt sumar þessara hugmynda undir Böðvar og fengið þar þá innsýn sem hann býr yfir svo ekki sé talað um jákvæðar ábendingar þegar framkvæmda áráttan hefur tekið völdin.
Kæru Suðurnesjamenn,
Í Suðurkjördæmi spila Suðurnesjamenn lykilstöðu fyrir Sjálfstæðisflokkinn. Efnilegur og reyslumikill stjórnmálamaður, Árni Ragnar Árnason, leiðir kjördæmið og skipar þar fyrsta sætið en mikilvægt er að tryggja Suðurnesjum forystuhlutverk í nýju kjördæmi með góðri kosningu á svæðinu. Árni Ragnar ber hagsmuni svæðisins fyrir brjósti og var m.a. fyrstur með þingsályktunartillögu um tvöföldun Reykjanesbrautar og hefur síðustu ár átt virðingarvert samstarf við áhugahóp um málefnið þar sem undirritaður fer með forstöðu. Þá skipar Böðvar Jónsson baráttusætið í kjördæminu eins og áður sagði.
Í mínum huga skipta því kosningarnar 10. maí meira máli en oft áður. Stóru tækifærin eru til staðar og mikilvægt að spyrja sjálfan sig hverjum við treystum best til að tryggja málum Suðurnesjamanna framgang s.s. eðlileg samskipti við Varnarliðið, efla atvinnumál og tryggja góð samskipti við hið háa Alþingi.
Mitt val er auðvelt. Ég mun setja X við D.
Áfram Ísland.
Steinþór Jónsson,
Bæjarfulltrúi Sjálfstæðismanna í Reykjanesbæ.
