Sækist eftir 3. til 4. sæti Samfylkingar

Kristín Erna Arnardóttir gefur kost á sér í 3.-4. sæti í flokksvali Samfylkingarinnar í Suðurkjördæmi sem fer fram 16. – 17. nóvember næstkomandi.

Kristín Erna átti sitt annað heimili í Steinum undir Eyjafjöllum i 15  ár og rak ásamt samstarfskonum úr sveitinni ferðaþjónustuna Fossbúann í Skógum frá 1995 – 2004.  Kristín á 3 börn og eitt barnabarn. Undanfarin 3 ár hefur hún átt sitt annað heimili í Öndverðarnesi ásamt sambýlismanni sínum sem er Sveinn M. Sveinsson yfirlæknir á HSU.

Hún hefur starfað sem upptökustjóri hjá RUV, framkvæmdastjóri við kvikmyndagerð og við verkefnastjórn af ýmsu tagi og hefur þrisvar verið kosningastjóri Samfylkingarinnar í Reykjavík.  Kristín situr í flokksstjórn Samfylkingarinnar og er formaður Landsfundanefndar.  Hún er nú við nám í Háskóla Íslands í stjórnmála- og fjölmiðlafræði.