Prófkjörsandi, Björk áfram og óháð framboð

Það sveif prófkjörsandi yfir vötnunum á bæjarstjórnarfundi í Reykjanesbæ í fyrrdag. Fulltrúar minnihlutans sem eru á leið í prófkjör nk. laugardag, þau Ólafur Thordersen, Jóhann Geirdal og Sveindís Valdimarsdóttir komu oft í pontu til að tjá sig um hin ýmsu mál. Þau verða líklega öll í toppbaráttunni um helgina og má segja að þau hafi verið að hita upp...
Þetta kemur fram í Svörtu og sykurlausu í Víkurfréttum í dag.Björk á íhaldslistann

Björk Guðjónsdóttir bæjarfulltrúi íhaldsins í Reykjanesbæ sem hafði gefið það út að hún ætlaði að hætta er hætt við að hætta. Hún mun verma eitt af efstu sætum flokksins í komandi kosningum. Heyrst hefur að hún muni fá 3. sætið á eftir þeim Árna Sigfússyni og Böðvari Jónssyni en á eftir henni komi Steinarnir, Þorsteinn Erlingsson og Steinþór Jónsson. Það fylgdi sögunni að nú sé leitað að ungri konu til að verma 6. sætið og gott væri ef hún fyndist í Njarðvík...

Óháð framboð

Gamlir Alþýðuflokksmenn með Hilmar Hafsteinsson og fleiri í fararbroddi eru alvarlega að skoða óháð framboð í Reykjanesbæ. Önnur nöfn sem hafa heyrst eru Steindór Sigurðsson, sveitarstjóri á Raufarhöfn og fyrrverandi bæjarfulltrúi framsóknar og forseti bæjarstjórnar í Njarðvík og Helga Margrét Guðmundsdóttir úr Keflavík. Ákvörðun að framboðinu mun m.a. byggjast á því hvernig prófkjörið muni fara hjá Samfylkingunni um helgina.