Olíubrák frá moldarhaugum á Stafnesi

Víkurfréttum hafa borist tvö myndskeið á myndbandi og ein ljósmynd sem sýnir olíubrák á vatni frá moldarhaugum á Stafnesi. Jarðvegurinn hefur verið fluttur á Stafnes frá svokölluðu Nikkelsvæði í Reykjanesbæ.Það var Gunnar Sigfússon í Sandgerði sem tók myndirnar milli kl. 13 og 14 í gærdag, föstudag. Það skal tekið fram að Víkurfréttir hafa ekki kannað aðstæður af eigin raun og geta því ekki staðfest hvort olíubrákin er mikil eða einangruð við lítið svæði.