Ólafur Thordersen: Betra en ég þorði að vona

Ólafur Thordersen, bæjarfulltrúi, sem sóttist eftir 2. sæti í prófkjöri Samfylkingarinnar fékk glæsilega kosningu í það sæti.
„Ég er mjög ánægður. Þetta er betra en ég þorði að vona. Ég og mínir stuðningsmenn unnum vel fyrir prófkjörið og það skilaði sér.“Þú varst sá eini sem eyrnamerktir þér 2. sætið.
„Ég keyrði stíft á 2. sætið og gaf ekki út stuðning á neinn þremenningana í 1. sætið, lét þá um þá baráttu“, sagði Ólafur og bætti því við að framundan væri hörkukeppni við Sjálfstæðisflokkinn. „Það er kominn tími til að taka við af sjálfstæðismönnum í Reykjanesbæ“, sagði Ólafur.