Ókeypis fyrirlestur í Íþróttaakademíunni

Í kvöld klukkan 20 heldur Guðjón Bergmann fyrirlestur í Íþróttaakademíunni um stressið alkunna semfylgir jólaundirbúningnum.Ókeypis aðgangur er á fyrirlesturinn.

Guðjón Bergmann ólst upp í hringiðu verslunarreksturs og þekkir vel það skemmtilega álag sem fylgir jólaverslun. Hann byrjaði að vinna hjá föðursínum, Gulla í Karnabæ, þegar hann var 10 ára gamall og vann þar í öllum fríum fram yfir tvítugt. Hann þekkir góðu og slæmu hliðar vinnuálagsins af eigin raun, bæði sem verslunarmaður og viðskiptavinur og veit hvað þarf til að geta átt ánægjuleg jól í framhaldi af mikilli vinnu og ströngum jólaundirbúning.

Á þessum klukkutíma fyrirlestri kennir Guðjón áhrifaríkar aðferðir til að draga úr neikvæðum áhrifum streitu sem gjarnan fylgir jólaundirbúningnum eins og þreyta, kvíði, bakverki eða meltingatruflanir. Leitast verður eftir því að auka skilning á því valdi sem hver og einn einstaklingur hefur á viðhorfum sínum og að lokum kennir Guðjón einfalda slökun.

Guðjón hélt fyrirlestur í Íþróttaakademíunni fyrr í vetur sem var mjög vel sóttur. Áheyrendur voru sammála um fyrirlestrahæfileika Guðjóns en hann þótti koma skilaboðum sínum einstaklega vel frá sér enda reynslumikill maður á ferð.

Við vonumst til að sjá sem flesta.

Bestu kveðjur,
Gunnhildur Erla Vilbergsdóttir
Verkefnastjóri
Íþróttaakademían