Öflugur stuðningur
Árni Ragnar Árnason, þingmaður Reykjaneskjördæmis (D) var einn frummælenda á borgarafundinum í síðustu viku.Umfjölllunarefni hans í dag er forsaga og framgangur málsins, þ.e. tvöföldun Reykjanesbrautar. Hann fullyrðir að framkvæmdum verði flýtt.
Undanfarnar vikur hefur verið unnið mikið og sterkt starf til að hvetja til þess að flýta úrbótum til öryggis vegfarenda á Reykjanesbraut. Þetta starf náði hámarki með vel undirbúnum og gífurlega vel sóttum borgarafundi í Stapa s.l. fimmtudagskvöld.
Góð skipulagning
Fundurinn var til mikils sóma fundarboðendum sem eru undirbúningshópur er unnið hefur að þessu verkefni undanfarnar vikur. Ég vil sérstaklega færa þeim þakkir og verðskuldað hrós fyrir góða frammistöðu, ekki síst þeim Steinþóri Jónssyni og Páli Ketilssyni sem mér sýnist hafa borið hitann og þungann af skipulagsvinnunni, en líka öðrum sem unnu svo glæsilega að margháttuðum undirbúningi fundarins. Markmið hópsins um að tvöföldun Reykjanesbrautar milli Hafnarfjarðar og Reykjanesbæjar og um bætta umferðarmenningu eru virðingarverð og tek ég eindregið undir þau eins og fram kom í máli mínu á fundinum og fyrr.
Innan gildandi vegaáætlun
Það er afskaplega ánægjulegt að fá slíkar undirtektir við mál sem maður hefur beitt sér fyrir um árabil. Það er ljóst af ummælum þeirra sem ávörpuðu fundinn og svöruðu spurningum fundarmanna að þingmenn kjördæmisins eru samtaka um að flýtt verði tvöföldun brautarinnar og undir það taka samgönguráðherra og formaður samgöngunefndar Alþingis.
Þingmenn hafa allt frá 1987 flutt tillögur á Alþingi um tvöföldun brautarinnar, síðast allir þingmenn kjördæmisins saman. Hún lá fyrir Alþingi þegar þáverandi samgönguráðherra lagði fram tillögu til þingsályktunar um langtímavegáætlun þar sem gert var ráð fyrir tvöföldun Reykjanesbrautar. Hún var samþykkt með ályktun Alþingis 1998 um langtímavegáætlun. Fyrstu áfangar þessa verks eru á vegáætlun 2000-2004 sem var samþykkt á Alþingi á s.l. vori, og allir þekkja nú álit samgöngunefndar um væntanlegan framgang verksins alls með vegáætlun 2002-2006 sem verður umfjöllunarefni Alþingis næsta vetur. Helsta atriði sem lagt er til grundvallar því að flýta framkvæmd er að verkið sé allt innan gildandi vegáætlunar. Hún er framkvæmdaáætlun og hefur meira vægi en langtímavegáætlun sem er stefnumótandi.
Öruggir um framgang
Eftir þennan stórkostlega fund eru menn væntanlega öruggir um framgang verksins. Um möguleika á hraðri framkvæmd er ljóst að þingmenn hafa mismunandi, jafn vel misvísandi upplýsingar frá verktakafyrirtækjum og verkfræðingum sem starfa við framkvæmdir af þessu tagi. Þessi óvissa er skiljanleg því útboðsgögn og aðrar kröfur um framkvæmd verksins liggja ekki fyrir fyrr en síðar.
Heildarframleiðni mikil
Vegna þessa hafði ég kynnt mér nokkra þætti sem nefndir hafa verið. Heildarframleiðni í verkum af þessu tagi er nú mjög mikil. Þær stórframkvæmdir sem nú er unnið að komast á lokastig á næstu misserum og þá losnar um um mikla framleiðslugetu. Þó umhverfismat verði kært virðist það ekki tefja verkið nema um fáeinar vikur sem nýtast þó til að annar undirbúningur haldi áfram. Um líkur á töfum af þessum ástæðum verður að nefna að tvöföldun mun liggja nálægt núverandi vegarstæði lengst af leiðinni og hlýtur því að verða innan helgunarsvæðis hans.
Fjármagn er vandamálið
Helsti þröskuldurinn eru ákvæði um ríkisfjármál, sem tiltaka undanbragðalaust að ríkisframkvæmd er skuld ríkissjóðs frá því ári sem hún fer fram. Engu breytir um það hvernig eða hvaðan fjármagnið er fengið. Vegur í einkaeigu, sbr. Hvalfjarðargöngin eru ekki sambærileg hvað þetta varðar við þær vegaframkvæmdir sem ríkið annast. Suðurnesjamenn hafa ævinlega mótmælt vegtolli kröftuglega, og það útilokar einkaframkvæmd nú enda mundi hún ekki flýta verkinu. Ríkisfjármál eru svo áhrifamikil í efnahagsmálum að stjórnmálamenn eru afar varfærnir í að auka skuldir ríkissjóðs, enda dregur það úr framkvæmdagetu þar á eftir.
Varfærnir þingmenn
Þessi atriði valda því að flestir aðrir þingmenn og ráðherrar svöruðu fundarmönnum af þeirri varfærni sem raun var. Það breytir því ekki að svör þeirra báru vitni um hug þeirra og vilja, sem fyrr sagði.
Niðurstaða borgararafundarins í Stapa s.l. fimmtudagskvöld er sú að tvöföldun Reykjanesbrautar milli Hafnarfjarðar og Reykjanesbæjar verður flýtt. Ég þakka undirtektir við tvöföldun Reykjanesbrautar. Hún er mikið þjóðþrifamál sem fylgja þarf eftir.
Árni Ragnar Árnason, þingmaður (D)
Undanfarnar vikur hefur verið unnið mikið og sterkt starf til að hvetja til þess að flýta úrbótum til öryggis vegfarenda á Reykjanesbraut. Þetta starf náði hámarki með vel undirbúnum og gífurlega vel sóttum borgarafundi í Stapa s.l. fimmtudagskvöld.
Góð skipulagning
Fundurinn var til mikils sóma fundarboðendum sem eru undirbúningshópur er unnið hefur að þessu verkefni undanfarnar vikur. Ég vil sérstaklega færa þeim þakkir og verðskuldað hrós fyrir góða frammistöðu, ekki síst þeim Steinþóri Jónssyni og Páli Ketilssyni sem mér sýnist hafa borið hitann og þungann af skipulagsvinnunni, en líka öðrum sem unnu svo glæsilega að margháttuðum undirbúningi fundarins. Markmið hópsins um að tvöföldun Reykjanesbrautar milli Hafnarfjarðar og Reykjanesbæjar og um bætta umferðarmenningu eru virðingarverð og tek ég eindregið undir þau eins og fram kom í máli mínu á fundinum og fyrr.
Innan gildandi vegaáætlun
Það er afskaplega ánægjulegt að fá slíkar undirtektir við mál sem maður hefur beitt sér fyrir um árabil. Það er ljóst af ummælum þeirra sem ávörpuðu fundinn og svöruðu spurningum fundarmanna að þingmenn kjördæmisins eru samtaka um að flýtt verði tvöföldun brautarinnar og undir það taka samgönguráðherra og formaður samgöngunefndar Alþingis.
Þingmenn hafa allt frá 1987 flutt tillögur á Alþingi um tvöföldun brautarinnar, síðast allir þingmenn kjördæmisins saman. Hún lá fyrir Alþingi þegar þáverandi samgönguráðherra lagði fram tillögu til þingsályktunar um langtímavegáætlun þar sem gert var ráð fyrir tvöföldun Reykjanesbrautar. Hún var samþykkt með ályktun Alþingis 1998 um langtímavegáætlun. Fyrstu áfangar þessa verks eru á vegáætlun 2000-2004 sem var samþykkt á Alþingi á s.l. vori, og allir þekkja nú álit samgöngunefndar um væntanlegan framgang verksins alls með vegáætlun 2002-2006 sem verður umfjöllunarefni Alþingis næsta vetur. Helsta atriði sem lagt er til grundvallar því að flýta framkvæmd er að verkið sé allt innan gildandi vegáætlunar. Hún er framkvæmdaáætlun og hefur meira vægi en langtímavegáætlun sem er stefnumótandi.
Öruggir um framgang
Eftir þennan stórkostlega fund eru menn væntanlega öruggir um framgang verksins. Um möguleika á hraðri framkvæmd er ljóst að þingmenn hafa mismunandi, jafn vel misvísandi upplýsingar frá verktakafyrirtækjum og verkfræðingum sem starfa við framkvæmdir af þessu tagi. Þessi óvissa er skiljanleg því útboðsgögn og aðrar kröfur um framkvæmd verksins liggja ekki fyrir fyrr en síðar.
Heildarframleiðni mikil
Vegna þessa hafði ég kynnt mér nokkra þætti sem nefndir hafa verið. Heildarframleiðni í verkum af þessu tagi er nú mjög mikil. Þær stórframkvæmdir sem nú er unnið að komast á lokastig á næstu misserum og þá losnar um um mikla framleiðslugetu. Þó umhverfismat verði kært virðist það ekki tefja verkið nema um fáeinar vikur sem nýtast þó til að annar undirbúningur haldi áfram. Um líkur á töfum af þessum ástæðum verður að nefna að tvöföldun mun liggja nálægt núverandi vegarstæði lengst af leiðinni og hlýtur því að verða innan helgunarsvæðis hans.
Fjármagn er vandamálið
Helsti þröskuldurinn eru ákvæði um ríkisfjármál, sem tiltaka undanbragðalaust að ríkisframkvæmd er skuld ríkissjóðs frá því ári sem hún fer fram. Engu breytir um það hvernig eða hvaðan fjármagnið er fengið. Vegur í einkaeigu, sbr. Hvalfjarðargöngin eru ekki sambærileg hvað þetta varðar við þær vegaframkvæmdir sem ríkið annast. Suðurnesjamenn hafa ævinlega mótmælt vegtolli kröftuglega, og það útilokar einkaframkvæmd nú enda mundi hún ekki flýta verkinu. Ríkisfjármál eru svo áhrifamikil í efnahagsmálum að stjórnmálamenn eru afar varfærnir í að auka skuldir ríkissjóðs, enda dregur það úr framkvæmdagetu þar á eftir.
Varfærnir þingmenn
Þessi atriði valda því að flestir aðrir þingmenn og ráðherrar svöruðu fundarmönnum af þeirri varfærni sem raun var. Það breytir því ekki að svör þeirra báru vitni um hug þeirra og vilja, sem fyrr sagði.
Niðurstaða borgararafundarins í Stapa s.l. fimmtudagskvöld er sú að tvöföldun Reykjanesbrautar milli Hafnarfjarðar og Reykjanesbæjar verður flýtt. Ég þakka undirtektir við tvöföldun Reykjanesbrautar. Hún er mikið þjóðþrifamál sem fylgja þarf eftir.
Árni Ragnar Árnason, þingmaður (D)
