Óánægja með seinagang samninganefndar

Fjölmennur fundur tónlistarskólakennara á Suðurnesjum, haldinn 1. nóvember 2001 í Grindavík lýsir yfir áhyggjum sínum af seinagangi í samningamálum tónlistarskólakennara og því áhugaleysi sem virðist einkenna störf samninganefndar sveitarfélaganna. Fundurinn telur áhugaleysi samninganefndar sveitarfélaganna ekki lýsa hug sveitarstjórna á Suðurnesjum, sem hafa sýnt mikinn metnað í málefnum sinna tónlistarskóla. Tónlistarskólakennarar skora á sveitarstjórnir á Suðurnesjum að beita sér fyrir því að samningar náist sem fyrst, svo ekki hljótist meira tjón af.