Ný stjórn sjúkraliða á Suðurnesjum

Nýr formaður Sjúkraliða á Suðurnesjum er Ingibjörg Þorsteinsdóttir, nuddari og heilari, sem rekur Nuddstofuna Betri líðan. Gjaldkeri er Arnbjörg Ólafsdóttir fótaaðgerðarfræðingur á Laufinu á Nesvöllur. Ritari er Hulda Björg Birgisdóttir ritari á D-deild HSS. Meðstjórnendur eru Lilja Högnadóttir snyrtifræðingur á Laufinu á Nesvöllur, Sjöfn Þórgrímsdóttir og Ása Guðmundsdóttir en allar erum við líka starfandi sem sjúkraliðar á Heilbrigðisstofnun Suðurnesja.

Félagið okkar hefur verið í mikilli lægð undanfarin ár og er stefnan sett á að rífa það duglega upp og vera með fræðslu- og skemmtifundi a.m.k. 6 sinnum á ári og er þorrablótið liður í þeirri áætlun. Svo, sjúkraliðar góði,r nú er bara að standa saman, fjöllmenna á þorrablótið og gleðjast saman. Fundir og aðrar uppákomur verða auglýstar á öllum deildum og á heimasíðunni okkar sem er www.slfi.is (Suðurnesjadeild )

Endilega komiði með tillögur að efni til að hafa á fundum og sendið mér á [email protected]

Kveðja Ingibjörg Þorsteinsdóttir