Námskeið fyrir grunnskólakennara; Leikur að námsefni!

Námskeið verður haldið í sumar, 9.-11.ágúst í Púlsinum í Sandgerðisbæ fyrir alla grunnskólakennara sem vilja nýta sér leiklist í kennslu einstakra námsgreina og til hópeflingar.
Leikur að námsefni er mjög góð aðferð fyrir kennara til að miðla hefðbundnu námsefni í gegnum leiklist  til nemenda og leyfa þeim að nálgast lærdóm á skapandi hátt leiklistar. Þetta getur átt við um flestar námsgreinar og kennslan verður skemmtileg stund.
Þetta námskeið á við alla nemendur. En nemendur, sem eiga td. við lesblindu að etja, fá með þessari aðferð kjörið tækifæri til þess að læra námsefnið án lesturs heldur í gegnum upplifun og leik.
Á námskeiðinu verður farið í uppbyggilegar leiklistaræfingar sem er frábært hópefli í nemendahópnum og eflir samkennd, virðingu og vináttu. Einnig er farið er í það hvernig nota má hlutverkaleik í aðgerðum gegn einelti (Olweusaráætlun).
Marta Eiríksdóttir, grunnskólakennari leiðir þetta námskeið. Skráning er hafin og ef þú ætlar að vera með, þá er vissara að tryggja sér pláss sem allra fyrst.