MSS: Svæðameðferð, þrýstipunktanámskeið og næring og svefn barna

Miðstöð símenntunar á Suðurnesjum býður í samstarf við Birgittu Jónsdóttur Klasen upp á þrýstipunktanámskeið, svæðameðferð og fyrirlestur um næringu og svefna barna.

Á þrýstipunktanámskeiðinu verður fjallað um hvernig hægt er að vinna bug á ýmsum sjúkdómum og vandamálum með því að beita þrýstipunktameðferð. Um allan líkamann eru punktar sem tengjast ákveðnum svæðum líkamans. Með því að þrýsta á þessa punkta er hægt að vinna bug á mörgun algengum vandamálum. Námskeiðið hefst 21. febrúar og er tvö skipti.

Svæðameðferð tekur á einkennum og orsakavöldum margra algengra kvilla. Meðferðin hentar öllum aldurshópum hvort sem um aðal- eða hliðarmeðferð er að ræða og í sameiningu öðlast meðferðaraðili og sjúklingur skarpari sýn á merkingu og tilgang lífsins og lífsgleði eykst. Þátttakendur öðlast grunnþekkingu á svæðameðferð og læra aðferðafræðina að baki henni. Námskeiðið hefst 7. mars og stendur yfir í 3 mánuði, þátttakendur mæta einu sinni í viku.

Á fyrirlestrinum um næringu og svefn barna fá foreldrar upplýsingar um hvaða næring hentar barninu þeirra og af hverju það er mikilvægt að huga að þessum þætti strax frá unga aldri. Foreldrar mæta með börnin með sér á námskeiðið og læra hagnýta aðferð til að róa niður og svæfa börnin á skömmum tíma. Fyrirlesturinn fer fram laugardaginn 3. mars og kostar 2.500 kr.

Birgitta Jónsdóttir Klasen
Birgitta útskrifaðist sem náttúrulæknir frá þýskum háskóla árið 1973 og er auk þess menntuð í sáfræðilegri ráðgjöf og félagsráðgjöf fyrir konur. Hún er með kennsluréttindi og hefur verið að kenna svæðameðferð og öndunarmeðferð við ýmsa háskóla í Þýskalandi og var gestadósent við Vollkshochschule Cuxhaven árin 1990 – 1996.
Skráning og allar nánari upplýsingar hjá Miðstöð símenntunar á Suðurnesjum í síma 421 7500 og á www.mss.is.