Minnihlutaskipti í Garðinum

Það má með sanni segja að minnihlutaskipti hafi orðið í Garðinum. Tveir af aðalmönnum minnihlutans í hreppsnefnd Gerðahrepps hafa látið af störfum og varamenn þeirra tekið sæti í hreppsnefnd. Sveinn Magni Jensson hreppsnefndarmaður I-listans hefur flutt brott úr sveitarfélaginu og við sæti hans tók Agnes Ásta Woodhead. María Anna Eiríksdóttir, hreppsnefndarmaður H-listans hefur óskað eftir leyfi frá störfum í sveitarstjórn vegna náms og við sæti hennar tók Hrafnhildur Sigurðardóttir.
Hreppsnefnd er þannig skipuð að 4 fulltrúa eru frá F-lista, 2 fulltrúar frá I-lista og 1 fulltrúi frá H-lista.