Menningar- og sögutengt fræðslukvöld í Saltfisksetrinu í Grindavík

Fimmtudaginn 1. mars frá kl. 20 – 22 verður menningar- og sögutengt fræðslukvöld í Saltfisksetrinu í Grindavík. Björn Hróarsson flytur erindi og sýnir myndir af hellum í Grindavíkurlandi og kynnir nýju bókina sína, Íslenskir Hellar.  Ómar Smári Ármannsson flytur erindi og sýnir myndir af flugvélaflökum frá hernámsárunum.

Sigrún Franklín kynnir verkefnið „Af stað á Reykjanesið“ kynning á: gömlum þjóðleiðum, göngukorti, væntanlegum þjóðleiðarlýsingum og skipulögðum gönguferðum. Jafnframt verðu kynning á fyrirhugaðri 2.- 3. daga göngu- og hellaferð í Brennisteinsfjöll um Verslunarmannahelgina.

Heitt verður á könnunni og allir velkomnir meðan húsrúm leyfir.

www.saltfisksetur.is