Markmiðakvöld með Guðjóni Bergmann

Þriðjudaginn 5. Febrúar klukkan 20.00 býður Íþróttaakademían Suðurnesjabúum uppá Markmiðakvöld með Guðjóni Bergmann.

Guðjón Bergmann er löngu orðinn landsþekktur fyrir fyrirlestra sína og þykir hann einn besti fyrirlesari landsins.

Á Markmiðakvöldinu mun Guðjón hvetja þátttakendur til að byrja árið á að setja sér skýra stefnu. Markmiðið með kvöldinu er að þátttakendur gangi út með skýrari framtíðarsýn og lista yfir markviss skref sem þeir geta tekið að kvöldinu loknu.
Markmiðakvöldið skiptist í þrennt:

1) Undirbúningur. Hvað er markmiðasetning? Rætt verður um loforð markmiðasetningar og hættur sem henni fylgja.

2) Persónuleg markmiðasetning fyrir öll helstu svið lífsins. Þátttakendur verða leiddir í gegnum markmiðasetninguna og á sama tíma örvaðir hugarfarslega með mikilvægum spurningum og hvetjandi hugmyndum.

3) Úrvinnsla og framkvæmdir.  Hvað gerist næst? Allir þátttakendur skrifa niður hvað þeir geta gert til að taka fyrstu skref í átt að settum markmiðum.

Þátttakendum gefst kostur á að kaupa bókina “Þú ert það sem þú hugsar” sem Guðjón gaf út fyrir jól á tilboði, 1.990 krónur.

Vinsamlegast tilkynnið komu ykkar á [email protected] eða í síma 420-5500