Margra ára halli á rekstri Reykjanesbæjar skapar óvissu um búsetuskilyrði

Aðalfundur fulltrúaráðs Framsóknarfélaganna í Reykjanesbæ haldinn 18. nóvember 2010, lýsir yfir miklum áhyggjum af fjárhagsstöðu bæjarsjóðs Reykjanesbæjar og Reykjaneshafnar. Margra ára halli á rekstri Reykjanesbæjar skapar óvissu um búsetuskilyrði íbúa bæjarfélagsins.

Aðvaranir Framsóknarflokksins í Reykjanesbæ fyrir síðust kosningar reyndust á rökum reistar, en fengu þó ekki nægilegan hljómgrunn. Félagið krefst þess að núverandi meirihluti bæjarstjórnar Reykjanesbæjar horfist í augu við staðreyndir, viðurkenni hver staða bæjarsjóðs er og grípi til nauðsynlegra aðgerða til að afstýra greiðsluþroti.

Nóg er komið af útúrsnúningum og fullyrðingum sem ekki eiga sér stoð í raunveruleikanum. Hagur bæjarfélagsins á að ráða ferðinni, ekki pólitískir hagsmunir einstakra manna.

Stjórn fulltrúaráðs Framsóknarfélaganna í Reykjanesbæ.