Kynnir fjárlagafrumvarpið á laugardagsfundi

Bættur hagur barnafjölskyldna, nýjar áherslur í atvinnusköpun og stöðvun skuldasöfnunar ríkissjóðs eru meginatriði frumvarps til fjárlaga 2013 sem Oddný G. Harðardóttir, fjármála- og efnahagsráðherra, kynnir á næsta laugardagsfundi Samfylkingarinnar í Reykjanesbæ í sal Samfylkingarinnarinnar, Víkurbraut 13 við Keflavíkurhöfn.  Auknar tekjur af auðlindum í almannaeign og stöðugur hagvöxtur gera það mögulegt að auka stuðning við fjölskyldurnar í landinu en fjárlagafrumvarpið gerir m.a. ráð fyrir auknum barnabótum, auknum greiðslum í fæðingarorlofi og hækkun húsnæðis- og vaxtabóta.

Allt þetta, og fleira, fer Oddný yfir í kynningu sinni sem hefst kl. 11 á laugardaginn en húsið opnar samkvæmt venju kl. 10.00. Heitt á könnunni og allir velkomnir í laugardagskaffið eins og venjulega.

Stjórn Samfylkingarinnar í Reykjanesbæ