Kynningarfundur um sölu á fasteignum Sandgerðisbæjar

B og Þ listi hafa ákveðið að standa sameiginlega að opnum kynningarfundi um sölu fasteigna Sandgerðisbæjar og byggingu miðbæjarkjarna. Fundurinn fer fram á Veitingahúsinu Vitanum í Sandgerði þriðjudaginn 4. maí og hefst kl. 20:00.

Á undanförnum mánuðum hafa verið teknar stórar ákvarðanir í bæjarstjórn Sandgerðisbæjar um sölu og endurleigu fasteigna sem og byggingu miðbæjarkjarna. Þessar ákvarðanir hafa verið teknar án almennrar kynningar meðal bæjarbúa. Meirihluti bæjarstjórnar hefur hafnað tillögum um að Sandgerðisbær standi fyrir almennun kynningarfundi og því verður minnihlutinn að standa fyrir honum í sínu nafni. Skorað hefur verið á fulltrúa K og D lista að taka þátt í fundinum svo öll sjónarmið komi fram.

Það er von okkar að Sandgerðingar fjölmenni á fundinn og taki þátt í umræðum um málefni sem varða framtíð bæjarfélagsins.

Heiðar Ásgeirsson
oddviti B-listans í Sandgerði

Ólafur Þór Ólafsson
oddviti Þ-listans í Sandgerði