Kvöldstund FFGÍR í FS í kvöld

FFGÍR býður skólaforeldra velkomna á kynningar á áhugaverðum verkefnum sem hafa vakið athygli foreldra. Einnig ætlum við að bjóða erindi um jákvæð samskipti. Fundurinn er í kvöl, miðvikudaginn 13.nóvember kl.20:00  í fyrirlestrasal Fjölbrautaskóla Suðurnesja.

Ef þú átt barn í skóla og vilt vita meira þá komdu og njóttu einnar kvöldstundar með okkur. Það verður kaffi á könnunni og létt stemmning.

FFGÍR eru regnhlífasamtök foreldrafélaganna í Reykjanesbæ. Við viljum stuðla að bættum samskiptum með góðum verkefnum.

Verkefnin sem verða kynnt eru að þessu sinni bæði frá Akurskóla. Þau eru Ég og þú, þú og ég og Flott án fíknar. Lovísa Hafsteinsdóttir, námsráðgjafi í Akurskóla kynnir Flott án fíknar og Halldóra Hreinsdóttir formaður foreldrafélags Akurskóla segir frá verkefninu Ég og þú, þú og ég.
Erindið um samskiptin verður frá Önnu Lóu Ólafsdóttur, náms- og starfsráðgjafa, sem er mörgum kunn fyrir pistla sína í Víkurfréttum.

Við hlökkum til að sjá þig.
Bestu kveðjur
f.h. FFGÍR
Ingigerður Sæmundsdóttir