Kristján Pálsson aftur í Sjálfstæðisflokkinn

Kristján Pálsson fyrrverandi alþingismaður er aftur genginn til liðs við Sjálfstæðisflokkinn, en eins og kunnugt er sagði hann sig úr flokknum fyrir síðustu kosningar. Frá þessu var greint á fundi Sjálfstæðisfélagsins Njarðvíkings í Reykjanesbæ í gærkvöldi. Í bókun Njarðvíkings frá því í gærkvöldi segir að stjórnin fagni því að svo öflugur liðsmaður sem Kristján Pálsson er, sé genginn aftur til liðs við flokkinn og segir í bókuninni að vonast sé til að með þessu náist fullnaðar sættir á milli aðila.