Kristján Pálsson – skákaði sér út af listanum
Við undirrituð sem sæti áttum í uppstillingarnefnd Sjálfstæðisflokksins í Suðurkjördæmi viljum koma á framfæri eftirfarandi leiðréttinu vegna ummæla Kristjáns Pálssonar og fylgismanna hans um rangindi þau og bolabrögð sem Kristján Pálsson telur sig hafa verið beittan af fámennum klíkuhópi við val á lista flokksins í kjördæminu.Það var í raun Kristján Pálsson sjálfur sem skákaði sér út af listanum með þeim skilyrðum sem hann setti uppstillingarnefndinni og um leið Kjördæmsiráðinu í Suðurkjördæmi. Kristján setti það sem ófrávíkjanlega kröfu af sinni hálfu, að honum bæri 1.sætið, en væri þó tilbúin að setjast í 2.sætið, en því aðeins að Drífa Hjartardóttir væri í því fyrsta.
Hlutverk uppstillingarnefndar var því að gera tillögu að skipan listans fyrir kjördæmisráð flokksins í Suðurkjördæmi, tillögu að lista sem tæki sem best tillit til allra svæða þess og staðhátta.
Hvorki uppstilling né prófkjör í nýju og víðfeðmu kjördæmi er auðleyst svo öllum líki. Okkar nýja kjördæmi spannar landsvæðið frá Höfn í Hornafirði allt til Reykjaness og er því Suðurkjördæmið samansett af hlutum úr þremur kjördæmum eins og þau voru fyrir síðustu alþingiskosningar.
Nefndarmenn stóðu frammi fyrir því erfiða verki að velja á milli mjög hæfra einstaklinga , sem gáfu kost á sér til setu á listanum í hin ýmsu sæti. Taka þurfti m.a. tillit til þess að í hópi þeirra voru fjórir sitjandi þingmenn sem höfðu áður tekið þátt í prófkjörum fyrir síðustu alþingiskosningar. En nú er um nýtt og breytt kjördæmi að ræða, með að hluta til nýjum kjósendum, nýjum áherslum og svo mætti lengi telja.
Eftir lýðræðilega umfjöllun og kosningar varð það niðurstaða uppstillingarnefndar að leggja það til að Árni Ragnar Árnason skipaði fyrsta sæti lista flokksins.
Eftir að niðurstaða um tillögu í fyrsta sætið lá fyrir var ljóst að afarkostir Kristjáns sjálfs gerðu það að verkum að hann var því miður ekki til umræðu um sæti neðar á listanum. Það má því með sanni segja að Kristján hafi skákað sjálfum sér út af listanum á eigin bragði.
Kristján kom ofangreindum skilyrðum sínum ekki bara á framfæri við fulltrúa nefndarinnar sem gengu á hans fund, heldur líka við einstaka nefndarmenn í símtölum og heimsóknum.
Það var svo rúmlega 200 manna fundur í Kjördæmisráði Sjálfstæðisflokksins í Suðurkjördæmi í Stapanum 30.nóv. sl. sem tók afstöðu til tillagna uppstillingarnefndar og samþykkti þær.
Það er því ekki Kristjáni né öðrum sæmandi að halda því fram að fámennur hópur (eða fámenn klíka) hafi með bolabrögðum og/eða rangindum komið í veg fyrir setu hans á listanum. Hans eigin afarkostir urðu þessa valdandi.
Aðferð sú er notuð var við uppstillingu listans var að öllu leyti skv. leikreglum lýðræðisins og Skipulagsreglum Sjálfstæðisflokksins.
Sjálfur átti Kristján þátt í kosningu 19 manna uppstillingarnefndarinnar á fundi Kjördæmisráðsins í Eyjum þann 5. okt. sl.
Elsa Valgeirsdóttir og Magnús Jónasson
Vestmannaeyjum.
Hlutverk uppstillingarnefndar var því að gera tillögu að skipan listans fyrir kjördæmisráð flokksins í Suðurkjördæmi, tillögu að lista sem tæki sem best tillit til allra svæða þess og staðhátta.
Hvorki uppstilling né prófkjör í nýju og víðfeðmu kjördæmi er auðleyst svo öllum líki. Okkar nýja kjördæmi spannar landsvæðið frá Höfn í Hornafirði allt til Reykjaness og er því Suðurkjördæmið samansett af hlutum úr þremur kjördæmum eins og þau voru fyrir síðustu alþingiskosningar.
Nefndarmenn stóðu frammi fyrir því erfiða verki að velja á milli mjög hæfra einstaklinga , sem gáfu kost á sér til setu á listanum í hin ýmsu sæti. Taka þurfti m.a. tillit til þess að í hópi þeirra voru fjórir sitjandi þingmenn sem höfðu áður tekið þátt í prófkjörum fyrir síðustu alþingiskosningar. En nú er um nýtt og breytt kjördæmi að ræða, með að hluta til nýjum kjósendum, nýjum áherslum og svo mætti lengi telja.
Eftir lýðræðilega umfjöllun og kosningar varð það niðurstaða uppstillingarnefndar að leggja það til að Árni Ragnar Árnason skipaði fyrsta sæti lista flokksins.
Eftir að niðurstaða um tillögu í fyrsta sætið lá fyrir var ljóst að afarkostir Kristjáns sjálfs gerðu það að verkum að hann var því miður ekki til umræðu um sæti neðar á listanum. Það má því með sanni segja að Kristján hafi skákað sjálfum sér út af listanum á eigin bragði.
Kristján kom ofangreindum skilyrðum sínum ekki bara á framfæri við fulltrúa nefndarinnar sem gengu á hans fund, heldur líka við einstaka nefndarmenn í símtölum og heimsóknum.
Það var svo rúmlega 200 manna fundur í Kjördæmisráði Sjálfstæðisflokksins í Suðurkjördæmi í Stapanum 30.nóv. sl. sem tók afstöðu til tillagna uppstillingarnefndar og samþykkti þær.
Það er því ekki Kristjáni né öðrum sæmandi að halda því fram að fámennur hópur (eða fámenn klíka) hafi með bolabrögðum og/eða rangindum komið í veg fyrir setu hans á listanum. Hans eigin afarkostir urðu þessa valdandi.
Aðferð sú er notuð var við uppstillingu listans var að öllu leyti skv. leikreglum lýðræðisins og Skipulagsreglum Sjálfstæðisflokksins.
Sjálfur átti Kristján þátt í kosningu 19 manna uppstillingarnefndarinnar á fundi Kjördæmisráðsins í Eyjum þann 5. okt. sl.
Elsa Valgeirsdóttir og Magnús Jónasson
Vestmannaeyjum.
