Krefja meirihlutann um afsökunarbeiðni
Rúmlega 200 íbúar Sandgerðis skora á Ólaf Þór Ólafsson íþrótta- og tómstundafulltrúa bæjarins og bæjarfulltrúa að draga uppsögn sína til baka. Hann sagði starfi sínu lausu vegna bókunar meirihluta bæjarstjórnar um afstöðu hans í máli er varðar leigu á eignum bæjarfélagsins sem tekið var fyrir á bæjarstjórnarfundi í mars. Einnig er þess krafist að bæjarfulltrúar meirihlutans biðji Ólaf Þór afsökunar á bókun sinni.
Mótmælalistarnir lágu frammi á þremur stöðum í bænum fyrir páska og segir Þorbjörg Friðriksdóttir íbúi í Sandgerði sem stóð fyrir söfnuninni að með undirskriftalistunum sé verið að mótmæla því hvernig komið sé fram við Ólaf Þór. „Það virðist vera þannig að bæjarfulltrúar meirihlutans haldi að fólk megi ekki hafa sjálfstæðar skoðanir þótt það vinni hjá bæjarfélaginu. Þessu viljum við mótmæla,“ sagði Þorbjörg í samtali við Víkurfréttir.
Skorað er á bæjarfulltrúa meirihlutans í texta undirskriftalistanna að Ólafur Þór verði beðinn afsökunar á bókun sem lögð var fram á 208. fundi bæjarstjórnar. Á fundinum var verið að fjalla um sölu bæjarins og endurleigu á grunnskóla, íþróttahúsi og samkomuhúsi þar sem Ólafur Þór var andvígur áformunum sem bæjarfulltrúi Sandgerðislistans. Í bókun meirihlutans kom meðal annars fram að afstaða Ólafs Þórs til málsins vekti furðu og að hægt væri að draga þá ályktun að afstaða hans væri í mótsögn við afgreiðslu tveggja fagráða sem hann starfar fyrir.
Í texta undirskriftalistanna kemur fram að orðalag bókunar meirihlutans sé móðgun við alla starfsmenn bæjarfélagsins. Kom þar einnig fram að álykta mætti sem svo að ætlast væri til að starfsmenn bæjarfélagsins væru ætíð sammála meirihlutanum um hvaða leiðir væru bestar til að byggja upp mannvirki í bænum. „Einnig lýsum við yfir ánægju með störf Ólafs Þórs sem íþrótta- og tómstundafulltrúa og skorum á hann að draga til baka uppsögn sína komi til þess að umræddir bæjarfulltrúar dragi orð sín til baka og heiti að láta af slíkum vinnubrögðum,“ segir m.a. í texta undirskrifalistans. Mótmælalistarnir verða kynntir á fundi bæjarstjórnar í dag. Þar verður einnig uppsagnarbréf Ólafs Þórs lagt fram.
Í samtali við Víkurfréttir sagði Ólafur Þór Ólafsson að hann biði eftir viðbrögðum á bæjarstjórnarfundi í kvöld og að hann myndi meta stöðuna í framhaldi af þeim viðbrögðum. Að öðru leyti vildi Ólafur ekki tjá sig um málið.
Mótmælalistarnir lágu frammi á þremur stöðum í bænum fyrir páska og segir Þorbjörg Friðriksdóttir íbúi í Sandgerði sem stóð fyrir söfnuninni að með undirskriftalistunum sé verið að mótmæla því hvernig komið sé fram við Ólaf Þór. „Það virðist vera þannig að bæjarfulltrúar meirihlutans haldi að fólk megi ekki hafa sjálfstæðar skoðanir þótt það vinni hjá bæjarfélaginu. Þessu viljum við mótmæla,“ sagði Þorbjörg í samtali við Víkurfréttir.
Skorað er á bæjarfulltrúa meirihlutans í texta undirskriftalistanna að Ólafur Þór verði beðinn afsökunar á bókun sem lögð var fram á 208. fundi bæjarstjórnar. Á fundinum var verið að fjalla um sölu bæjarins og endurleigu á grunnskóla, íþróttahúsi og samkomuhúsi þar sem Ólafur Þór var andvígur áformunum sem bæjarfulltrúi Sandgerðislistans. Í bókun meirihlutans kom meðal annars fram að afstaða Ólafs Þórs til málsins vekti furðu og að hægt væri að draga þá ályktun að afstaða hans væri í mótsögn við afgreiðslu tveggja fagráða sem hann starfar fyrir.
Í texta undirskriftalistanna kemur fram að orðalag bókunar meirihlutans sé móðgun við alla starfsmenn bæjarfélagsins. Kom þar einnig fram að álykta mætti sem svo að ætlast væri til að starfsmenn bæjarfélagsins væru ætíð sammála meirihlutanum um hvaða leiðir væru bestar til að byggja upp mannvirki í bænum. „Einnig lýsum við yfir ánægju með störf Ólafs Þórs sem íþrótta- og tómstundafulltrúa og skorum á hann að draga til baka uppsögn sína komi til þess að umræddir bæjarfulltrúar dragi orð sín til baka og heiti að láta af slíkum vinnubrögðum,“ segir m.a. í texta undirskrifalistans. Mótmælalistarnir verða kynntir á fundi bæjarstjórnar í dag. Þar verður einnig uppsagnarbréf Ólafs Þórs lagt fram.
Í samtali við Víkurfréttir sagði Ólafur Þór Ólafsson að hann biði eftir viðbrögðum á bæjarstjórnarfundi í kvöld og að hann myndi meta stöðuna í framhaldi af þeim viðbrögðum. Að öðru leyti vildi Ólafur ekki tjá sig um málið.
