Kæru dagmæður!

Ég vil leiðrétta hér mikinn misskilning varðandi grein mína sem kom á vef Víkurfrétta þann 13. febrúar. Mér til mikillar undrunar tóku dagmæður þetta sem árás á sig og ásökun um fégræðgi. Greinin snerist alls ekki út á laun dagmæðra sem slík. Heldur um dagvistunargjöld almennt og hvað Reykjanesbær er ekki að standa sig í stykkinu gagnvart einstæðum foreldrum og skólafólki.

 

Ég hef aldrei vanmetið starf dagmæðra og tel þær eina af mikilvægustu stoðum í samfélaginu, hver ætti annars að passa börnin? Sjálf hef ég þurft að nýta mér þjónustu þeirra fyrir bæði börnin mín.

Og þess má einnig geta að ég geri mér fyllilega grein fyrir því að sú upphæð sem dagmóðir fær fyrir vistun barns fer engan veginn óskert í vasa hennar. Heldur þarf hún að greiða hin og þessi gjöld, bæði sem sjálfstæður atvinnurekandi og aukakostnað sem fer í börnin sjálf. Þannig að þessi upphæð fer töluvert skert í “launaumslag” dagmóðurinnar. Mér hefur aldrei fundist dagmæður taka mikið fyrir sína vinnu, enda er þetta erfitt og ábyrgðarfullt starf.

 

Talan sem ég nota í mína grein, 54.000 kr., er fengin hjá minni eigin dagmóður. Ástæðan fyrir því hversu há hún er er vegna þess að ég er ekki bara með pláss frá kl. 8-16, eða “8 lögbundna dagvinnutíma”. Heldur er ég með pláss frá kl. 7:45-17:15, þ.e. 9,5 tíma. Þarf varla að taka fram að hér eru þá 1,5 tími á dag í yfirvinnu og eitthvað telur það til að hækka þessa tölu, skiljanlega. Svona er mín staða þar sem ég vinn frá 8:00-17:00 og ég vildi sýna hvernig staðan er hjá mér og mínum líkum.

Talan er fengin þannig, gjald sem ég á að greiða til dagmóðurinnar fyrir vistun í 9,5 tíma á dag er 43.000 kr. svo fær dagmamman 11.000 kr. þar á móti frá bæjarfélaginu og þar er komin sú heildarupphæð sem dagmamman fær fyrir barnið mitt, eða 54.000 kr.. Og til að geta reiknað út hvernig mín staða væri í öðrum bæjarfélögum með börnin mín í 9,5 tíma vistun taldi ég best að taka þessa heildarupphæð og nota hana alls staðar. Og sú upphæð sem kemur fram í töflunni er þessi heildarupphæð dagmömmunnar mínus niðurgreiðslur þess bæjarfélags sem við á. Þannig að munurinn á dagmömmugjöldunum í töflunni er eingöngu munur á niðurgreiðslum bæjarfélaganna. Það kemur “launum” dagmömmunar lítið sem ekkert við.

 

Taflan hefði kannski betur litið svona út. Þá er kannski meiri líkur á að réttu aðilarnir myndu taka eftir því sem ég vildi. Takið eftir gulu tölunum, það eru þær sem sýna þennan mismun á dagmömmu”kostnaði” foreldra þar sem það er niðurgreiðslan frá bæjarfélaginu.

 

Galdflokkur I	Hjón/par í sambúð			Dagmömmugjald að frádregnum
Gjaldflokkur II	Skólafólk og einstæðir foreldrar			niðurgreiðslum frá bæjarfélagi
Upplýsingar fengnar af heimasíðum bæjarfélaganna				Dagmömmugjald miðað við		54.000
Reykjanesbær	Gjaldflokkur I	Gjaldflokkur II
Leikskóli	31.063	25.213
Heildargjald. dm	54.000	54.000
Niðurgreiðsla til dm	11.000	11.000		AHT! Sama upphæð í báðum gjaldflokkum
Dagmóðir	43.000	43.000
Samtals	74.063	68.213		Upphæðin sem ég greiði
Reykjavík
Leikskóli	32.300	16.500
Heildargjald. dm	54.000	54.000
Niðurgreiðsla	14.850	27.900
Dagmóðir	39.150	26.100
Samtals	71.450	42.600		25.613	Mismunur
Hafnarfjörður
Leikskóli	27.710	17.925
Heildargjald. dm	54.000	54.000
Niðurgreiðsla	25.555	34.675
Dagmóðir	28.445	19.325
Samtals	56.155	37.250		30.963	Mismunur
Akureyri
Leikskóli	31.380	18.190
Heildargjald. dm	54.000	54.000
Niðurgreiðsla	11.880	32.400
Dagmóðir	42.120	21.600
Samtals	73.500	39.790		28.423	Mismunur
Garðabær
Leikskóli	29.600	21.650
Heildargjald. dm	54.000	54.000
Niðurgreiðsla	11.000	23.100
Dagmóðir	43.000	30.900
Samtals	72.600	52.550		15.663	Mismunur

 

 

Að lokum vil ég þakka dagmömmum fyrir þeirra mikilvæga starf og vona að þær uni sáttar við sitt. Mér þykir leitt að þessi grein mín sem átti að beinast að allt annarri átt hafi ollið svo miklu fjaðrafoki í ykkar starfsstétt eins og hún hefur greinilega gert.

 

Með kveðju,

Sjálfstæð móðir í Reykjanesbæ.