K – listinn, listi Óháðra borgara í Sandgerði kynntur

Á mjög fjölmennum fundi Bæjarmálafélags K – listans í Sandgerði sem haldinn var hinn 6. apríl 2006, var samþykkt eftirfarandi tillaga uppstillingarnefndar um framboðslista til bæjarstjórnar í kosningunum 27. maí 2006.

1. Óskar Gunnarsson, forseti bæjarstjórnar og húsasmíðameistari.
2. Ingþór Karlsson, bæjarfulltrúi og vélfræðingur.
3. Kolbrún Vídalín Grétarsdóttir, deildarstjóri þjónustumiðstöðvar eldri borgara.
4. Sigursveinn Bjarni Jónsson, verkstjóri og formaður knattspyrnudeildar Reynis.
5. Anna María Guðlaugsdóttir, tómstundafulltrúi.
6. Ari Gylfason, öryggisfulltrúi.
7. Þjóðbjörg Gunnarsdóttir, iðnrekstrarfræðingur og leiðbeinandi.
8. Haraldur Birgir Haraldsson, blikksmiður.
9. Árný Hafborg Hálfdánsdóttir, listamaður og verkakona.
10. Hafsteinn Þór Friðriksson, rafvirkjanemi.
11. Brynhildur Kristjánsdóttir, framkvæmdastjóri.
12. Davíð Benónýsson, húsasmíðanemi.
13. Agnieszka Woskresinska, verkakona.
14. Sigurbjörg Eiríksdóttir, bæjarfulltrúi.

Í rökstuðningi uppstillingarnefndar kom m.a. fram að nefndin telur framboðslistann skipaðan öflugum, traustum og dugmiklum einstaklingum, mörgum hverjum með mikla og víðtæka reynslu af bæjarmálum og fjölbreytilegum félagsstörfum. Að mati nefndarinnar sýnir listinn góða og mikla breidd og er jafnt setinn konum og körlum. Nú í fyrsta sinn á fulltrúi erlendra ríkisborgara fulltrúa á listanum og er það sjónarmið nefndarinnar að það sé fyllilega tímabært með tilliti til þess að stöðugt hefur fjölgað fólki hér í bæjarfélaginu sem er af erlendum uppruna. Þetta fólk greiðir hér skatta og skyldur og er sannarlega orðinn hluti af okkar samfélagi.
Ítarlegri kynning á frambjóðendum K – listans verður send bæjarbúum síðar.

Kosningastjórn K – listans.
Á fundinum var samþykkt tillaga um 7 manna kosningastjórn K – listans og skipa hana eftirtaldir aðilar: Guðmundur Gunnarsson, Fanney Dóróthe Halldórsdóttir, Ína Dóra Hjálmarsdóttir, Egill Ólafsson, Jón Norðfjörð, Sigurður Guðjónsson og Oddný Guðjónsdóttir.

Málefnavinna K – listans, nýjar leiðir.
Það hefur ætíð verið markmið þeirra sem standa að K – listanum að leggja fram raunhæfa og ítarlega stefnuskrá fyrir hverjar kosningar. Stefnumál K – listans fyrir kjörtímabilið 2006 til 2010 verða kynnt bæjarbúum tímanlega. Á fundinum var samþykkt að gefa öllum bæjarbúum sem vilja og hafa áhuga á, tækifæri til að koma með okkur í málefnavinnuna sem framundan er og hafa þannig bein áhrif á gerð stefnuskrárinnar. Þeir málaflokkar sem m.a. þarf að skapa markvissa stefnu um eru: Stjórnun og fjármálastefna bæjarfélagsins, skóla- og fræðslumál, félags- og fjölskyldumál, málefni eldri borgara, æskulýðs- og íþróttamál, ferða- og menningarmál, umhverfismál, atvinnumál, hafnarmál, skipulags- og byggingarmál, samgöngumál o.fl.
Þeir sem vilja og hafa áhuga á að taka þátt í þessu starfi með okkur geta snúið sér til Óskars sími 660-8189, Ingþórs sími 862-3505, Kolbrúnar sími 699-7754 eða Sigursveins sími 863-1795.

Samþykkt var á fundinum að opna kosningaskrifstofu K – listans að Suðurgötu 5, hinn 1. maí n.k.

Baráttukveðjur til ykkar allra, K – listinn er kominn á fulla ferð!
Stjórn Bæjarmálafélags K-listans

Myndin:
Fremri röð f.v. Brynhildur Kristjánsdóttir, Anna María Guðlaugsdóttir, Kolbrún Vídalín Grétarsdóttir, Þjóðbjörg Gunnarsdóttir, Agnieszka Woskresinska og Árný Hafborg Hálfdánsdóttir.
Aftari röð f.v. Ingþór Karlsson, Sigursveinn Bjarni Jónsson, Davíð Benónýsson, Ari Gylfason, Hafsteinn Þór Friðriksson og Óskar Gunnarsson.
Á myndina vantar Harald Birgi Haraldsson og Sigurbjörgu Eiríksdóttur.