Innihaldslaus undirskrift Iðnaðarráðherra?
Stjórn félags ungra framsóknarmanna ályktaði fyrir nokkru um “innihaldslausar upphrópanir í atvinnumálum” og vísaði þar til meirihluta Sjálfstæðismanna í bæjarstjórn Reykjanesbæjar. Jafnframt reyna ungir framsóknarmenn að verja Iðnaðarráðherra “sinn” sem hefur markvisst á síðustu árum reynt að stýra öllum hugmyndum um atvinnuuppbyggingu stóriðju frá Suðurnesjum og til norðurlands.
Var undirritun iðnaðarráðherra innihaldslaus?
Það sem vekur þó mesta furðu er að ungir framsóknarmenn skuli telja baráttuna um stálpípuverksmiðju í Helguvík hafa verið marklitla og innihaldslausa. Þegar undirbúningur að stálpípuverksmiðju hófst og undirrituð var viljayfirlýsing um byggingu verksmiðjunar var það nefnilega sá sami Iðnaðarráðherra, Valgerður Sverrisdóttir, sem undirritaði viljayfirlýsinguna ásamt forsvarsmönnum verksmiðjunar og Reykjanesbæjar. Undirritun ráðherrans hlýtur þá að hafa verið jafn innihaldslaus og hugmyndir meirihluta bæjarstjórnar Reykjanesbæjar.
Uppbygging atvinnutækifæra
Sjálfstæðismenn hafa unnið að öllum þeim hugmyndum sem upp hafa komið í atvinnumálum á þessu svæði og munu gera það áfram. Sum verkefni ganga eftir en önnur ekki eins og venja er í slíkum málum. Þrátt fyrir að framsóknarmenn og samfylkingarmenn í Reykjanesbæ vilji ekki taka þátt í þeirri baráttu og gagnrýni eftir á þau verkefni sem ekki verða að veruleika þá munu Sjálfstæðismenn halda áfram að vinna að uppbyggingu atvinnutækifæra í Reykjanesbæ af heilum hug.
Árni Árnason
Formaður Heimis, fus í Reykjanesbæ
Var undirritun iðnaðarráðherra innihaldslaus?
Það sem vekur þó mesta furðu er að ungir framsóknarmenn skuli telja baráttuna um stálpípuverksmiðju í Helguvík hafa verið marklitla og innihaldslausa. Þegar undirbúningur að stálpípuverksmiðju hófst og undirrituð var viljayfirlýsing um byggingu verksmiðjunar var það nefnilega sá sami Iðnaðarráðherra, Valgerður Sverrisdóttir, sem undirritaði viljayfirlýsinguna ásamt forsvarsmönnum verksmiðjunar og Reykjanesbæjar. Undirritun ráðherrans hlýtur þá að hafa verið jafn innihaldslaus og hugmyndir meirihluta bæjarstjórnar Reykjanesbæjar.
Uppbygging atvinnutækifæra
Sjálfstæðismenn hafa unnið að öllum þeim hugmyndum sem upp hafa komið í atvinnumálum á þessu svæði og munu gera það áfram. Sum verkefni ganga eftir en önnur ekki eins og venja er í slíkum málum. Þrátt fyrir að framsóknarmenn og samfylkingarmenn í Reykjanesbæ vilji ekki taka þátt í þeirri baráttu og gagnrýni eftir á þau verkefni sem ekki verða að veruleika þá munu Sjálfstæðismenn halda áfram að vinna að uppbyggingu atvinnutækifæra í Reykjanesbæ af heilum hug.
Árni Árnason
Formaður Heimis, fus í Reykjanesbæ
