Hvernig forgangsröðum við fjölskyldum í hag?

Málefnamars heldur áfram hjá Samfylkingunni og óháðum í Reykjanesbæ. Næsta laugardag, 29. mars, ætlum við að ræða hvernig við getum forgangsraðað fjölskyldum bæjarins í hag; hækkað hvatagreiðslur, hækkað umönnunargreiðslur, eflt skólastarf á öllum stigum og frístundaskóla svo eitthvað sé nefnt.

Laugardagsfundurinn er liður í málefnavinnu fyrir komandi bæjarstjórnarkosningar hjá Samfylkingunni og óháðum.  Við hittumst á hverjum laugardagsmorgni yfir kaffi og með því að Víkurbraut 13 við Keflavíkurhöfn milli kl. 10.30-12.00, vinnum hugmyndavinnu og leggjum línur.

Friðjón Einarsson fór yfir stöðuna í húsnæðismálum, verkefnin og mögulegar lausnir á síðasta laugardagsfundi.  Upplýsandi glærur sem fylgdu innleggi hans má sjá hér .

Allt áhugafólk um bæjarmál er velkomið í málefnavinnuna. Nánari upplýsingar á www.facebook.com/xsreykjanesbaer

Samfylkingin og óháðir