Hvað verður um D-álmuna?
Um fátt er meira rætt þessa dagana á meðal íbúa Reykjanesbæjar en sú stefnubreyting sem virðist hafa átt sér stað hjá Heilbrigðisstofnun Suðurnesja í málefnum D álmunnar. Fyrir meira en þremur áratugum sameinuðust bæjarbúar um þá stefnu að byggð yrði sérstök viðbygging við sjúkrahúsið sem sérstaklega væri ætluð sjúkum, öldruðum íbúum sem þyrftu mikla umönnun og þjónustu vegna veikinda og elli. Margir einstaklingar, félagasamtök og klúbbar lögðu hönd á plóg með skipulögðum fjáröflunum og sérstök samtök velunnarra og dyggustu stuðningsmanna hugmyndarinnar, D-álmu samtökin, voru stofnuð. Allir höfðu sama, skýra markmiðið; að vinna að því með öllum tiltækum ráðum að D-álman yrði að veruleika.
Bygging langlegudeildarinnar hefur tekið langan tíma. Margir heilbrigðis- og fjármálaráðherrar hafa setið á byggingatímanum og margir þingmenn og sveitarstjórnarmenn komið við sögu. Miklum þrýstingi hefur verið beitt á mörgum vígstöðvum og nú er byggingin risin en innréttingu hennar ekki að fullu lokið. Þegar menn fóru að sjá fyrir endann á byggingu hússins mátti finna fyrir miklum létti á meðal þeirra sem höfðu barist fyrir þessu brýna og mikilvæga hagsmunamáli bæjarbúa í áratugi.
En þá gerðist hið óvænta. Yfirmenn stofnunarinnar mótuðu nýja stefnu og hafa frá því í haust verið að kynna hana fyrir hagsmunaðilum þ.m.t. sveitarstjórnarmönnum. Þessar nýju hugmyndir ganga m.a. út á það að nýta D-álmuna undir aðra starfsemi sjúkrahússins t.d. skurðstofuna. Óljósar fréttir og sögusagnir og nokkrar reynslusögur bæjarbúa hafa gengið manna á millum. Þessi stefnubreyting hefur farið mjög fyrir brjóstið á bæjarbúum síðustu daga, vikur og mánuði og má skynja bæði undrun og reiði á meðal þeirra. Bæjarbúar skilja ekki hvað hefur breyst. Því tel ég nauðsynlegt að stjórnendur Heilbrigðisstofunnar Suðurnesja haldi opna kynningarfundi um
þessa nýju stefnu, skýri út fyrir bæjarbúum hvað þeir ætla sér með D-álmuna og hversvegna. Einnig tel ég nauðsynlegt að stjórnendur stofnunarinnar heyri sjónarmið íbúanna og reyni þannig að átta sig hvernig hjartað í bæjarfélaginu slær í þessum málaflokki. Það eru jú íbúarnir, skattgreiðendur, sem eru viðskiptavinirnir og neytendur þjónustunnar og ef Heilbrigðisstofnun Suðurnesja er ætlað að uppfylla óskir þeirra og þarfir ættu slíkir kynningarfundir að getar orðið gagnlegir fyrir báða aðila.
Með vinsemd og virðingu
Kjartan Már Kjartansson,
bæjarfulltrúi í Bæjarstjórn Reykjanesbæjar
Bygging langlegudeildarinnar hefur tekið langan tíma. Margir heilbrigðis- og fjármálaráðherrar hafa setið á byggingatímanum og margir þingmenn og sveitarstjórnarmenn komið við sögu. Miklum þrýstingi hefur verið beitt á mörgum vígstöðvum og nú er byggingin risin en innréttingu hennar ekki að fullu lokið. Þegar menn fóru að sjá fyrir endann á byggingu hússins mátti finna fyrir miklum létti á meðal þeirra sem höfðu barist fyrir þessu brýna og mikilvæga hagsmunamáli bæjarbúa í áratugi.
En þá gerðist hið óvænta. Yfirmenn stofnunarinnar mótuðu nýja stefnu og hafa frá því í haust verið að kynna hana fyrir hagsmunaðilum þ.m.t. sveitarstjórnarmönnum. Þessar nýju hugmyndir ganga m.a. út á það að nýta D-álmuna undir aðra starfsemi sjúkrahússins t.d. skurðstofuna. Óljósar fréttir og sögusagnir og nokkrar reynslusögur bæjarbúa hafa gengið manna á millum. Þessi stefnubreyting hefur farið mjög fyrir brjóstið á bæjarbúum síðustu daga, vikur og mánuði og má skynja bæði undrun og reiði á meðal þeirra. Bæjarbúar skilja ekki hvað hefur breyst. Því tel ég nauðsynlegt að stjórnendur Heilbrigðisstofunnar Suðurnesja haldi opna kynningarfundi um
þessa nýju stefnu, skýri út fyrir bæjarbúum hvað þeir ætla sér með D-álmuna og hversvegna. Einnig tel ég nauðsynlegt að stjórnendur stofnunarinnar heyri sjónarmið íbúanna og reyni þannig að átta sig hvernig hjartað í bæjarfélaginu slær í þessum málaflokki. Það eru jú íbúarnir, skattgreiðendur, sem eru viðskiptavinirnir og neytendur þjónustunnar og ef Heilbrigðisstofnun Suðurnesja er ætlað að uppfylla óskir þeirra og þarfir ættu slíkir kynningarfundir að getar orðið gagnlegir fyrir báða aðila.
Með vinsemd og virðingu
Kjartan Már Kjartansson,
bæjarfulltrúi í Bæjarstjórn Reykjanesbæjar
