Hugleiðingar frá sóknarbarni í Ytri-Njarðvík
Hvers vegna þarf Leifur A. Ísaksson að rjúka upp til varnar sóknarnefndarfólki í Reykjanesbæ?
Leifur var í sóknarnefnd Ytri-Njarðvíkurkirkju. Hvers vegna þarf hann að segja okkur að þetta fólk sé svo gott? Ekki nefndi Karlinn á kassanum að það væri vont fólk. Var Leifur kannske bestur af öllum og þarf því að vernda hina? Er ekki til annað gott fólk í Ytri-Njarðvík, sem gæti þá látið sitt af mörkum fyrir sóknina sína? Er ekki eitthvað að hjá þessu góða fólki í sóknarnefndinni, eða prestinum kannske?
Hvað fannst öllum kórfélögum, organistum, meðhjálpurum og konunni sem sá um þrif á kirkjunni til margra ára um samskipti við prest og sóknarnefnd? Ætli það hafi verið komið fram við það fólk með réttlátu hugarfari og góðmennsku? Hversvegna er ekki betri kirkjusókn?
Það er eitthvað að, það er ekki nóg að hugsa um kirkjuna utan og innan, ÞVÍ KIRKJAN ER FÓLKIÐ!
Ég og mágkona mín komum til messu í Ytri-Njarðvíkurkirkju einn sunnudag s.l. sumar kl 20.oo og þegar við komum inn voru fyrir organisti og prestur og engir fleiri, svo prestur fór nú fram til að skrýðast og á leið aftur inn í kirkjuna komu í gættina tvær útlendar konur sem hann fékk til þess að koma inn, svo við vorum 6 gestir í kirkjunni þetta kvöld. Hvar voru allir hinir góðu? Og hversvegna var ekki kór? Og hvar voru allir hinir ánægðu? Það er ekkert að, segir svo þessi sóknarnefnd. Það eru líka sumir sammála þeim, en ég veit að það eru ótal margir ekki ánægðir með hvað allt hefur dalað á seinni árum. Ég held að sumir þurfi að hvíla sig, þótt góðir séu, og fá nýtt fólk í sóknarnefnd Ytri-Njarðvíkurkirkju.
Ég skora á ungt fólk í Ytri-Njarðvíkursöfnuði, að taka sig saman og láta að sér kveða, gefa kost á sér til starfa í sóknarnefnd og ná þar kjöri, að minsta kosti formann, og hrista svo vel upp í starfi kirkjunnar! Verið svo ákveðin í að stofna líka barnakór. Munið að Kristur sagði: Leyfið börnunum að koma til mín og bannið þeim það eigi, því slíkra er Guðsríki.
Barnakór myndi auka kirkjusóknina verulega, því þegar kórinn kemur fram í guðsþjónustum koma mamma og pabbi og amma og afi og systkyn til þess að hlusta.
Að lokum vil ég óska þess að Njarðvíkingar komi upp öflugu kirkjustarfi í framtíðinni.
Guðrún Ásta Björnsdóttir.
Leifur var í sóknarnefnd Ytri-Njarðvíkurkirkju. Hvers vegna þarf hann að segja okkur að þetta fólk sé svo gott? Ekki nefndi Karlinn á kassanum að það væri vont fólk. Var Leifur kannske bestur af öllum og þarf því að vernda hina? Er ekki til annað gott fólk í Ytri-Njarðvík, sem gæti þá látið sitt af mörkum fyrir sóknina sína? Er ekki eitthvað að hjá þessu góða fólki í sóknarnefndinni, eða prestinum kannske?
Hvað fannst öllum kórfélögum, organistum, meðhjálpurum og konunni sem sá um þrif á kirkjunni til margra ára um samskipti við prest og sóknarnefnd? Ætli það hafi verið komið fram við það fólk með réttlátu hugarfari og góðmennsku? Hversvegna er ekki betri kirkjusókn?
Það er eitthvað að, það er ekki nóg að hugsa um kirkjuna utan og innan, ÞVÍ KIRKJAN ER FÓLKIÐ!
Ég og mágkona mín komum til messu í Ytri-Njarðvíkurkirkju einn sunnudag s.l. sumar kl 20.oo og þegar við komum inn voru fyrir organisti og prestur og engir fleiri, svo prestur fór nú fram til að skrýðast og á leið aftur inn í kirkjuna komu í gættina tvær útlendar konur sem hann fékk til þess að koma inn, svo við vorum 6 gestir í kirkjunni þetta kvöld. Hvar voru allir hinir góðu? Og hversvegna var ekki kór? Og hvar voru allir hinir ánægðu? Það er ekkert að, segir svo þessi sóknarnefnd. Það eru líka sumir sammála þeim, en ég veit að það eru ótal margir ekki ánægðir með hvað allt hefur dalað á seinni árum. Ég held að sumir þurfi að hvíla sig, þótt góðir séu, og fá nýtt fólk í sóknarnefnd Ytri-Njarðvíkurkirkju.
Ég skora á ungt fólk í Ytri-Njarðvíkursöfnuði, að taka sig saman og láta að sér kveða, gefa kost á sér til starfa í sóknarnefnd og ná þar kjöri, að minsta kosti formann, og hrista svo vel upp í starfi kirkjunnar! Verið svo ákveðin í að stofna líka barnakór. Munið að Kristur sagði: Leyfið börnunum að koma til mín og bannið þeim það eigi, því slíkra er Guðsríki.
Barnakór myndi auka kirkjusóknina verulega, því þegar kórinn kemur fram í guðsþjónustum koma mamma og pabbi og amma og afi og systkyn til þess að hlusta.
Að lokum vil ég óska þess að Njarðvíkingar komi upp öflugu kirkjustarfi í framtíðinni.
Guðrún Ásta Björnsdóttir.
