Heimir ályktar v. aðgerða til að lækka matarverð

Stjórn Heimis, félags ungra sjálfstæðismanna í Reykjanesbæ, fagnar aðgerðum ríkisstjórnarinnar til að stuðla að lækkun matvælaverðs á Íslandi. Með lækkun virðisaukaskatts á matvælum, veitingaþjónustu og hótelgistingu sem og lækkun tolla á innflutt matvæli og afnám vörugjalda að mestu veita stjórnvöld svigrúm til lækkunar á umræddri vöru og þjónustu. Þetta er því kjörið tækifæri fyrir heildsala og smásala til að lækka vöruverð.

Um leið hvetur Heimir hinn almenna neytenda að vera á varðbergi fyrir öllum verðlagsbreytingum, bæði fyrir og eftir lækkun, til að tryggja að lækkunin skili sér til neytenda.

Stjórn Heimis þrýstir einnig á stjórnvöld til að ganga enn lengra og afnema tolla og vörugjöld með öllu, enda eigi stjórnvöld ekki að nota skatta og gjöld sem stjórntæki til neyslustýringar.