H-listi óháðra borgara í Vogum lagður fram

H-listi óháðra borgara í sveitarfélaginu Vogum hefur verið lagður fram af uppstillinganefnd Bæjarmálafélags H-listans og verið samþykktur af stjórn þess.

Listann skipa:

1. Inga Sigrún Atladóttir, deildarstjóri.
2. Sigurður Kristinsson, vaktstjóri/varaforseti bæjarstjórnar.
3. Íris Bettý Alfreðsdóttir, gjaldkeri.
4. Jón Gunnarsson, alþingismaður/forseti bæjarstjórnar.
5. Sigríður Ragna Birgisdóttir, kennari.
6. Jón Elíasson, framkvæmdarstjóri.
7. Jóhanna Lára Guðjónsdóttir, nemi og bókasafnsstarfsmaður.
8. Ragnar Davíð Riordan, starfsm. íþróttahúss.
9. Sigurður Karl Ágústsson, rafeindavirki.
10. Geir Ómar Kristinsson, verktaki.
11. Þórður Guðmundsson, framkvæmdastjóri.
12. Sigurður Rúnar Símonarson, kennari.
13. Sonja Ingibjörg Kristensen, húsmóðir.
14. Hanna Helgadóttir, starfsmaður mötuneytis/bæjarfulltrúi.

H-listinn hefur boðið fram lista til sveitarstjórnakosninga óslitið síðan 1990 og frá þeim tíma verið einn í meirihluta í sveitarstjórn Vatnsleysustrandarhrepps og síðan bæjarstjórn Voga.

Listann skipa nú bæði reyndir sveitarstjórnarmenn sem hafa starfað í sveitar/bæjarstjórn undanfarin kjörtímabil og einnig nýir frambjóðendur.

Mikil fjölgun og uppbygging hefur átt sér stað í Vogum undanfarin ár og hefur H-listinn lagt áherslu á að byggja upp fjölskylduvænt samfélag sem gott er að búa í.

Framundan eru mörg krefjandi verkefni í ört stækkandi bæjarfélagi og eru frambjóðendur listans óhræddir við að leggja verk sín undafarin kjörtímabil í dóm kjósenda og hlakka til að takast á við það verkefni að gera gott bæjarfélag enn betra í framtíðinni.

Mynd: Inga Sigrún Atladóttir, deildarstjóri skipar efsta sæti listans.