Grafískur hönnuður/umbrotsmaður óskast strax!

Víkurfréttir óska eftir að ráða starfsmann í umbrot og grafíska hönnun. Viðkomandi getur hafið störf strax eða mjög fljótlega. Viðkomandi þarf að hafa góða þekkingu á helstu forritum til grafískrar vinnslu, s.s. FreeHand, Quark XPress og Photoshop.Við leitum að starfsmanni með frumkvæði til starfa í ört vaxandi fyrirtæki.

Reynsla af ljósmyndun er kostur og íslenskukunnátta er mikill plús.

Viðkomandi starfsmaður mun m.a. vinna við umbrot á blöðum Víkurfrétta ehf. og við hönnun á prentgripum.

Áhugasamir eru hvattir til að senda starfsumsókn með ítarlegum upplýsingum, s.s. um menntun og fyrri störf, til Hilmars Braga Bárðarsonar á tölvupóstfangið: [email protected]

Upplýsingar um starfið eru ekki veittar í síma.

Stefnt er að því að ráða í starfið strax eða mjög fljótlega.

Eldri umsóknir óskast endurnýjaðar.

Víkurfréttir ehf. reka starfsstöðvar á tveimur stöðum, í Njarðvík og Hafnarfirði. Grafískur hönnuður mun starfa á skrifstofu fyrirtækisins í Njarðvík.