Furðulegt fjölskyldu- og félagsmálaráð
Fjölskyldu- og félagsmálaráð Reykjanesbæjar með félagsmálastjóra í broddi fylkingar í lætur á fundi sínum bóka eftirfarandi:
„Í ljósi vaxandi atvinnuleysis hvetur Fjölskyldu- og félagsmálaráð stéttarfélög til að auka á markvissan stuðning við atvinnulausa félagsmenn sína í formi sálgæslu og stuðnings á meðan hver og einn býr við atvinnuleysi.“
Þetta er bókað án þess að haft hafi verið samband við stéttarfélögin á Suðurnesjum til þess að grennslast fyrir um hvaða stuðning þau veita atvinnulausu fólki.
Vegna þessarar bókunar er þörf á því að gera grein fyrir ákveðnum atriðum sem félagsmálastjóra og Fjölskyldu- og félagsmálaráði er greinilega ekki kunnugt um.
Umsýsla atvinnuleysisbóta
Fyrir nokkrum árum var umsýsla vegna atvinnulausra tekin af stéttarfélögum og færð yfir til Vinnumálastofnunar sem síðan rekur svæðisvinnumiðlanir allt í kringum landið. Þetta var gert í óþökk stéttarfélaganna á sínum tíma. Séttarfélög hafa þó aðkomu að þessum svæðisvinnumiðlunum og má nefna að tveir fulltrúar stéttarfélaga eru í stjórn Svæðisvinnumiðlunar Suðurnesja. Þessum vinnumiðlunum er ætlað að aðstoða atvinnulausa m.a. með sálgæslu, atvinnuleit, menntun og fl.
Stöðug þjónusta stéttarfélaga
Þrátt fyrir að þessi umsýsla hafi verið tekin frá stéttarfélögunum er þjónusta þeirra við atvinnulausa veruleg bæði í formi fjármuna og aðstoðar ýmis konar.
Hér vil ég tiltaka nokkur dæmi:
1. Stéttarfélög aðstoðuðu þá sem áttu í erfiðleikum fyrir jólin. Vegna þess var varið vel á aðra miljón króna. Reikna má með að stór hópur þeirra sem þáðu styrki hafi verið atvinnulausir.
2. Eitt stéttarfélaga býður félagsmönnum sínum upp á samtöl við prest. Önnur stéttarfélög hafa einnig aðgang að honum sé þess óskað.
3. Vegna uppsagna sem átt hafa sér stað hjá Varnarliðinu hafa einhverjir félagsmenn stéttarfélaga þegið sálfræðiaðstoð á kostnað félaganna.
4. Sjúkrasjóðir stéttarfélaga hafa greitt út verulegar fjárhæðir vegna veikinda atvinnulausra félagsmanna.
5. Stéttarfélög eru að veita atvinnulausum menntastyrki sem vonandi hjálpa viðkomandi til þess að komast aftur í vinnu.
6. Starfsmenn stéttarfélaga eru til vitnis um það hve mikið atvinnulausir félagsmenn leita sér aðstoðar hjá félögunum. Það er nánast daglegt brauð að atvinnulausir leiti ráðlegginga og fái aðstoð.
Hlutverk sveitarfélaga
Því lýsir þessi bókun fjölskyldu og félagsmálaráðs mikilli fákunnáttu og með ólíkindum að stofnun sveitarfélags sem á í raun að sinna þessu málum láti svona lagað fara frá sér. Það má alveg umorða þessa bókun og senda hana beint til baka til fjölskyldu og félagsmálaráðs sjálfs.
„Í ljósi vaxandi atvinnuleysis hvetja stéttarfélög á Suðurnesjum, Fjölskyldu- og félagsmálaráð Reykjanesbæjar til að auka á markvissan stuðning við atvinnulausa íbúa Reykjanesbæjar í formi sálgæslu og stuðnings á meðan hver og einn býr við atvinnuleysi.“
Það er hlutverk sveitarstjórna eða nefnda og ráða á vegum þeirra að aðstoða þá sem minna mega sín í okkar samfélagi, jafnt atvinnulausa sem aðra. Því spyr ég hvort fjölskyldu- og félagsmálaráð sé orðið svo úrræðalaust að það sjái enga leið færa en að að velta vandanum yfir á aðra? Stéttarfélög skorast ekki undan því að taka á þessum mikla vanda, hér eftir sem hingað til, en ráðið er greinilega ekki að leita eftir samstarfi við stéttarfélögin.
Guðbrandur Einarsson
formaður Verslunarmannafélags Suðurnesja
„Í ljósi vaxandi atvinnuleysis hvetur Fjölskyldu- og félagsmálaráð stéttarfélög til að auka á markvissan stuðning við atvinnulausa félagsmenn sína í formi sálgæslu og stuðnings á meðan hver og einn býr við atvinnuleysi.“
Þetta er bókað án þess að haft hafi verið samband við stéttarfélögin á Suðurnesjum til þess að grennslast fyrir um hvaða stuðning þau veita atvinnulausu fólki.
Vegna þessarar bókunar er þörf á því að gera grein fyrir ákveðnum atriðum sem félagsmálastjóra og Fjölskyldu- og félagsmálaráði er greinilega ekki kunnugt um.
Umsýsla atvinnuleysisbóta
Fyrir nokkrum árum var umsýsla vegna atvinnulausra tekin af stéttarfélögum og færð yfir til Vinnumálastofnunar sem síðan rekur svæðisvinnumiðlanir allt í kringum landið. Þetta var gert í óþökk stéttarfélaganna á sínum tíma. Séttarfélög hafa þó aðkomu að þessum svæðisvinnumiðlunum og má nefna að tveir fulltrúar stéttarfélaga eru í stjórn Svæðisvinnumiðlunar Suðurnesja. Þessum vinnumiðlunum er ætlað að aðstoða atvinnulausa m.a. með sálgæslu, atvinnuleit, menntun og fl.
Stöðug þjónusta stéttarfélaga
Þrátt fyrir að þessi umsýsla hafi verið tekin frá stéttarfélögunum er þjónusta þeirra við atvinnulausa veruleg bæði í formi fjármuna og aðstoðar ýmis konar.
Hér vil ég tiltaka nokkur dæmi:
1. Stéttarfélög aðstoðuðu þá sem áttu í erfiðleikum fyrir jólin. Vegna þess var varið vel á aðra miljón króna. Reikna má með að stór hópur þeirra sem þáðu styrki hafi verið atvinnulausir.
2. Eitt stéttarfélaga býður félagsmönnum sínum upp á samtöl við prest. Önnur stéttarfélög hafa einnig aðgang að honum sé þess óskað.
3. Vegna uppsagna sem átt hafa sér stað hjá Varnarliðinu hafa einhverjir félagsmenn stéttarfélaga þegið sálfræðiaðstoð á kostnað félaganna.
4. Sjúkrasjóðir stéttarfélaga hafa greitt út verulegar fjárhæðir vegna veikinda atvinnulausra félagsmanna.
5. Stéttarfélög eru að veita atvinnulausum menntastyrki sem vonandi hjálpa viðkomandi til þess að komast aftur í vinnu.
6. Starfsmenn stéttarfélaga eru til vitnis um það hve mikið atvinnulausir félagsmenn leita sér aðstoðar hjá félögunum. Það er nánast daglegt brauð að atvinnulausir leiti ráðlegginga og fái aðstoð.
Hlutverk sveitarfélaga
Því lýsir þessi bókun fjölskyldu og félagsmálaráðs mikilli fákunnáttu og með ólíkindum að stofnun sveitarfélags sem á í raun að sinna þessu málum láti svona lagað fara frá sér. Það má alveg umorða þessa bókun og senda hana beint til baka til fjölskyldu og félagsmálaráðs sjálfs.
„Í ljósi vaxandi atvinnuleysis hvetja stéttarfélög á Suðurnesjum, Fjölskyldu- og félagsmálaráð Reykjanesbæjar til að auka á markvissan stuðning við atvinnulausa íbúa Reykjanesbæjar í formi sálgæslu og stuðnings á meðan hver og einn býr við atvinnuleysi.“
Það er hlutverk sveitarstjórna eða nefnda og ráða á vegum þeirra að aðstoða þá sem minna mega sín í okkar samfélagi, jafnt atvinnulausa sem aðra. Því spyr ég hvort fjölskyldu- og félagsmálaráð sé orðið svo úrræðalaust að það sjái enga leið færa en að að velta vandanum yfir á aðra? Stéttarfélög skorast ekki undan því að taka á þessum mikla vanda, hér eftir sem hingað til, en ráðið er greinilega ekki að leita eftir samstarfi við stéttarfélögin.
Guðbrandur Einarsson
formaður Verslunarmannafélags Suðurnesja
