Fundur um stefnumótun þjóðkirkjunnar í Kirkjulundi í Keflavík

Dr. Guðfinna S. Bjarnadóttir rektor Háskólans í Reykjavík fjallar um stöðu þjóðkirkjunnar í Kirkjulundi í Keflavík fimmtudaginn 13. febrúar kl. 20:30. Þjóðkirkjan er að vinna að stefnumótun á vormisseri og Guðfinna mun fjalla um svo kallaða SVÓT-könnun, þar sem komið er inn á styrkleika, veikleika, tækifæri og það sem ógnar þjóðkirkjunni.Guðfinna, sem er Keflvíkingur, hefur lokið námi frá Kennaraháskóla Íslands, B.A. prófi í sálfræði frá Háskóla Íslands og meistara og doktorsprófi í sálfræði frá West Virginia University. Allt áhugafólk um málefni þjóðkirkjunnar er velkomið á fundinn. Kaffiveitingar verða í boði sóknarnefndar.