Ferðaþjónusta í forystu

Á lista Sjálfstæðismanna nú eru þrír sterkir einstaklingar sem öll hafa reynsluna og kraftinn sem hér vantar til að leiða Reykjanesbæ til forystu í ferðamálum, hér á ég auðvitað við þau Steinþór Jónsson, Magneu Guðmundsdóttur og Garðar Vilhjálmsson, en þau eru öll í forystu, hvert á sínu sviði. Þetta skrifar Guðmundur Björnsson í grein sinni tíl Víkurfrétta.Nú líður að kosningum og mörg góð málefni hafa komið fram að undanförnu.
Mig langar til að koma á framfæri málaflokki sem er mér mjög svo hugleikinn en það er
ferðaþjónustan hér á Reykjanesi sem hefur uppá svo margt að bjóða.
Við erum svo heppin að hafa hér alþjóðlegan flugvöll, Bláa Lónið, einn vinsælasta ferðamannastað landsins, hafsvæði kjörið til hvalaskoðunar og frábærar gönguleiðir.
En þrátt fyrir þessar góðu aðstæður er enn mikið verk fyrir höndum til að bæta þjónustu við ferðamenn hér á svæðinu innlenda sem erlenda.
Bæta þarf samgöngur frá flugstöð svo ferðamaðurinn komist á þann stað sem hann óskar sem og samgöngur innan og á milli sveitarfélaganna sjálfra.
Styrkja þarf starfsemi upplýsingamiðstöðar í Leifsstöð í samvinnu við Ferðamálaráð og Ferðamálasamtök Suðurnesja, ásamt því að byggja upp þjónustumiðstöðvar í hverju bæjarfélagi og hvetja starfsmenn til aukinnar þátttöku í uppbyggingu ferðaþjónustunnar.
Stóraukið fjármagn þarf til að ferðaþjónustan geti eflst og vaxið og gert Reykjanesið að einni stórri perlu ferðamannsins sem svo sannarlega gæti orðið.

Hér þarf Reykjanesbær að stíga fram og sinna sínu forystuhlutverki sem stærsta bæjarfélagið og leggja fram krafta sína til styrktar þessu málefni.
Til þess að rétt sé staðið að málum, þurfum við öflugt fólk með skilning á því sem ferðaþjónustan þarfnast og þá reynslu sem byggja þarf grunninn á.
Enginn flokkur býður fram jafn sterkan lista fyrir þessar kosningar og Sjálfstæðisflokkurinn þegar kemur að málefnum ferðaþjónustunnar.
Á lista Sjálfstæðismanna nú eru þrír sterkir einstaklingar sem öll hafa reynsluna og kraftinn sem hér vantar til að leiða Reykjanesbæ til forystu í ferðamálum, hér á ég auðvitað við þau Steinþór Jónsson, Magneu Guðmundsdóttur og Garðar Vilhjálmsson, en þau eru öll í forystu, hvert á sínu sviði. Þessir einstaklingar sem og sá sterki hópur sem fylgir þeim á lista Sjálfstæðismanna, er einmitt sá kjarni sem ég trúi að muni koma okkar bæjarfélagi í fremstu röð og lyfta ferðaþjónustu á svæðinu á þann stall sem henni ber.

Sem áhugamaður um ferðamál, vil ég því hvetja alla sem vilja veg ferðaþjónustunnar sem mestan, að styrkja þessa einstaklinga til frekari afreka í framtíðinni.
Veljum X-D.

Guðmundur M. Björnsson
Upplýsingafulltrúi