Enn um Víkingaheim og fjármál Reykjanesbæjar

Ég undiritaður íbúi og skattgreiðandi í Reykjanesbæ, ákvað í einfeldni minni að senda inn fyrirspurn til bæjarstjóra vegna fréttar, sem ég las í Fréttablaðinu 22 maí sl. Þar kemur fram að Flugstöð Leifs Eiríkssonar hf treysti sér ekki að taka þátt í verkefninu Víkingaheimar sem hluthafi uppá 25 milljónir króna, með tilheyrandi ábyrgðum, sem að hluthöfum snýr, heldur hyggst FLE styrkja verkefnið með beinu framlagi, 10 milljónum króna. Sem er auðvitað allt annar handleggur en að gerast hluthafi í fyrirtækinu, enda kom fram að þeir teldu verkefnið of áhættusamt og kostnaðaráætlanir lítt ígrundaðar.

Steinþór Jónsson bæjarfulltrúi svaraði þessari fyrirspurn þannig að hann taldi fyrirspyrjanda í besta falli broslegan og fór svo að blanda störfum mínum varðandi ferðaþjónustu inn í þessi mál. Ég þekki Steinþór að því, hvað viðskipti varðar, að vilja hafa hlutina á hreinu og að eyða ekki aurum um efni fram, það finnst mér aðeins merki um að fara vel með og eyða ekki um efni fram, alls ekki neikvætt eða broslegt.
Það er nú einu sinni hlutverk kjörinna bæjarfulltrúa að upplýsa borgarana án þess að tala niður til þeirra jafnvel þó menn vilji vera stórir.

En af því við erum nú farnir að tala um fjármuni bæjarbúa, er kannske rétt að spyrja bæjarfulltrúann, um fasteignaleigukostnað bæjarins, ég var að glugga í svonefndan "Fasteignaleigureiknir" á netsíðu A-listans sem enginn hefur mótmælt svo ég hafi séð. Þar getur maður slegið inn kaupverð húss og þá birtist þar mánaðarleigan, ég stóðst ekki mátið og fletti fasteignasíðu síðustu Víkurfrétta. Þar rakst ég á stórt og glæsilegt einbýlishús við Heiðargil, ásett söluverð er 46 milljónir, skv. töflureikninum yrði mánaðarleigan á þessu húsi 318.780 kr. - segi og skrifa þrjú hundruð og átján þúsund sjö hundruð og áttatíu krónur og þar segir að leigjandinn eigi síðan að greiða fasteignagjöldin af eigninni og annast allt viðhald innanhúss. Nú spyr ég bæjarfulltrúann Steinþór Jónsson, getur þetta staðist, sem ég hlýt að efast um og hversvegna eru ekki búið að leiðrétta þessar reikningskúnstir þeirra A-listamanna?
Það verður að útskýra þetta og leiðrétta strax ef með þarf, sem ég þykist nú næsta viss um þetta getur varla staðist, er það? Bæjarbúar eiga rétt á því, í síðasta lagi fyrir kjördag 27 maí n.k.

Virðingarfyllst,
Hilmar Hafsteinsson 070946-2709