Brynja Lind formaður FUF

Aðalfundur Félags ungra framsóknarmanna í Reykjanesbæ, FUF, var haldinn sl. fimmtudagskvöld. Á fundinum var m.a. kosin ný stjórn og varastjórn fyrir félagið. Nýr formaður FUF er Brynja Lind Sævarsdóttir, varaformaður er Jón Halldór Eðvarðsson og meðstjórnendur þau Andri Freyr Stefánsson, Íris Edda Heimisdóttir og Vala Rún Björnsdóttir. Í varastjórn eru Þorsteinn Kristinsson, Hafdís Ásgeirsdóttir, Agnes Rut Árnadóttir, Arnar Magnússon og Einar Birgir Bjarkason.

Félag ungra framsóknarmanna er ætlað fólki á aldrinum 18-35 ára. Ný stjórn félagsins mun kynna starfsemi félagsins fyrir ungu fólki á næstu vikum.