Blettaskoðun á húð í Reykjanesbæ

Krabbameinsfélag Suðurnesja og Helga Hrönn Þórhallsdóttir húðsjókdómalæknir bjóða þeim sem hafa áhyggjur af blettum á húð að koma í blettaskoðun á lækningastofuna Hringbraut 99 í Keflavík miðvikudaginn 25. maí. Metið verður hvort ástæða er til frekari aðgerða. Skoðunin er án endurgjalds. Þeir sem vilja nýta sér þetta þurfa að panta tíma í síma 4216363 miðvikudaginn 18. maí kl. 13.-17.

Þessi þjónusta hefur verið veitt mörg undanfarin ár á Suðurnesjum, en Krabbameinsfélag Íslands og Félag húðlækna hafa staðið fyrir henni í Reykjavík. Góð reynsla er af þessu starfi og mörg dæmi um varhugaverðar breytingar hafa fundiast.

Tíðni húðkrabbameins hefur aukist hér á landi. Mikilvægt er því að fólk láti skoða bletti hjá lækni ef fram koma breytingar svo sem að þeir stækki, breytist að lögun og lit og sár myndast sem gróa illa.