Bjóða fram S í Sandgerði

Á félagsfundi í Samfylkingunni í Sandgerði 21. febrúar 2006 var ákveðið að bjóða fram lista við sveitarstjórnarkosningarnar í vor undir listabókstafinum S og að óskað yrði samvinnu við óháða borgara.

Deildar meiningar hafa verið í félaginu um hvort boðið yrði fram undir listabókstafinum K en Samfylkingin hefur undanfarnar kosningar verið í samstarfi við óháða borgara í K-listanum.

Stjórn félagsins lét kanna skoðanir félagsmanna á þessu í símakönnun á mánudagskvöldið. Það náðist í 118 manns og 100 svöruðu.

Um 26% vildu að Samfylkingin byði fram K-lista, 28% vildi S-lista og um 45% sögðu að það skipti ekki máli hvor stafurinn yrði notaður.

Á fundinum var einnig ákveðið að fara í opið prófkjör til að velja þrjá efstu menn listans.