Atkvæði þitt skiptir máli

Stundum finnst mér margt ungt fólk sýna sveitastjórnarmálum lítinn áhuga. „Þetta er bara pólitík og ég nenni ekkert að skipta mér af þessu”. „Æ þessir gaurar í bæjarstjórninni eru alltaf eitthvað að rífast ég hef engan áhuga á þessu”. „Þeir eru alltaf að rífast um einhverja reikninga og það er eins og þeir séu ekkert að tala um sama bæjarsjóð því ýmist segja þeir að það sé stórgróði eða bullandi tap”. „Ég nenni ekki að setja mig inn í svona vitleysu”.
Þessi viðbrögð eru hins vegar stórhættuleg. Sveitastjórnarmál skipta ungt fólk meira máli en nokkra aðra. Auðvitað skiptir það alla máli að bænum sé vel stjórnað en það erum við þau yngstu sem munum búa lengst við þær ákvarðanir sem eru teknar. Þess vegna er mikilvægt að við höfum eins mikil áhrif og við getum á það hvernig bænum er stjórnað og hverjir stjórna honum.

Skynsemi ofar freistingum
Við vitum öll að það væri gaman að geta gert allt fyrir alla og veifa bara Vísakortinu eftir þörfum, en við vitum líka að fljótlega verður það ekki eins gaman, því það kemur alltaf að því að við þurfum að borga reikninginn. Samt sem áður er líka nauðsynlegt að það sé gott að búa í bænum því annars verða fáir hér til að borga reikninginn. Bærinn er ekkert öðurvísi en venjulegt heimili, aðeins stærri, hann hefur tekjur og fólkið langar til að gera mikið oftast meira en tekjurnar leifa og þess vegna er nauðsynlegt að við veljum þá í bæjarstjórn sem við treystum til að ákvarða það sem kemur bæjarbúum best. Það þurfa líka að vera menn sem við treystum til að eyða ekki alltaf meiri peningum en bærinn fær í tekjur því þá lendir það á okkur sem búum hér í framtíðinni að borga það. Ef menn eyða nú meiru en bærinn fær í tekjur þá fer meira af tekjunum í framtíðinni í að borga skuldirnar og þá verður enn minna hægt að gera.

Mannleg gildi, fjölskyldan í fyrirrúmi
Alveg eins og þegar ekki eru til peningar til að gera allt, þarf að gera fyrst það sem skiptir mestu máli. Þá kemur að því hvað skiptir mestu máli. Um það snýst oft pólitíkin. Einum finnst skipta mestu máli að hafa flott útlit, fína kantsteina, flottar byggingar og eru allir fyrir lúkkið. Aðrir segja að það eigi að leggja mesta áherslu á börnin, að þeim líði vel, á eldra fólkið afa okkar og ömmur, að þeim líði vel í ellinni, að það eigi sér stað gott starf í skólunum og heilbrigðan lífsstíl eins og íþróttir, menningu og listir.

Árni hefur tapað 2000 milljónum
Þeir sem nú eru í meirihluta í bæjarstjórninni Sjálfstæðisflokkurinn, D-listinn en Árni Sigfússon er bæjarstjórinn þeirra, hafa á síðustu árum alltaf eitt meiru en bærinn hefur í tekjur. Rekstrartap á þessu kjörtímabili er að nálgast 2000 milljónir. Það er kostnaður sem velt er áfram og við munum þurfa að borga seinna. Samt er þjónusta við íbúana ekki betri hér en í sambærilegum stórum bæjum. Á mörgum sviðum er hún verri og kostar meira. Samt er alltaf verið að eyða meiru en bærinn hefur í tekjur. Það er mikið lagt í að auglýsa bæinn og að telja öðrum trú um að við séum alltaf best. Ég tel það skipta meira máli fyrir hvern og einn að hann sé bestur en að eyða helling í að telja öðrum trú um að hann sé bestur jafnvel þó hann sé það ekki. Það kallast auðglýsingskrum og gerir sjaldan gagn.

Reyni í stað Árna
Ég geri ráð fyrir að þú, eins og ég viljir ábyrgð í fjármálum bæjarins, ef svo er átt þú að á þarft þú að velja á milli Árna eða Reynis Valbergssonar, ég treysti Reyni betur til að fara með fjármál bæjarins. Ég geri ráð fyrir að þú viljir efla leikskóla og leysa vandann sem ungt fólk á oft í áður en barnið verður 2 ára og kemst á leikskóla, þá er eðlilegt að þú veljir A-listann en ekki D- listann sem hefur stjórnað þessum málum síðasta kjörtímabil. Ég geri ráð fyrir að þú viljir lækka kostnað við íþróttaiðkun og fjölga þannig þeim sem stundað geta íþróttir, þá er eðlilegt að þú veljir A-listann

Steinþór Geirdal Jóhannsson, skipar 17. sæti á lista A-listans