Árni í 1. sæti

Hvet alla Sjálfstæðismenn í Reykjanesbæ til að styðja Árna Sigfússon í 1.sæti í prófkjöri flokksins þann 1 mars 2014.

Nú fer að líða að prófkjöri Sjálfstæðisflokksins í Reykjanesbæ sem haldið er þann 1. mars 2014. En ég hvet alla Sjálfstæðismenn til að mæta á kjörstað prófkjörsins og styðja Árna Sigfússon Bæjarstjóra í fyrsta sætið. Vegna þess að hann hefur sýnt fram á að hann er leiðtogi sem hefur kjark og vilja til að halda áfram að vinna í því að koma okkur úr fjötrum atvinnuleysis sem hefur verið viðloðandi á Suðurnesjum síðan herinn fór. Undir hans stjórn hefur árangur og tækifæri skapast í atvinnumálum og mörg fyrirtæki í hinum ýmsu greinum eru komin til bæjarins eða horfa nú til bæjarfélagsins sem ákjósanlegan stað til að byggja upp starfssemi sína.

Nú er það undir okkur komið kæru Sjálfstæðismenn í Reykjanesbæ að styðja við bakið á forvígismanni okkar og Bæjarstjóra í Prófkjöri Sjálfstæðisflokksins og styðja við hann eins og hann hefur stutt við okkur og bæjarfélag okkar. En þannig getur hann og Sjálfstæðisflokkurinn haldið áfram að skila árangri og umbótum fyrir okkur og bæinn okkar, Reykjanesbæ. Sjálfstæðisflokkurinn í Reykjanesbæ hefur alltaf haft að leiðarljósi ykkar velferð til framtíðar bæði í atvinnumálum, umhverfinu og fjölskyldumálum.

Ef þið kjósið Árna í fyrsta sætið þá mun hann halda áfram að vinna í þeim góðu málum fyrir samfélagið okkar. Við megum ekki gleyma því hvernig tíma landið okkar hefur verið að ganga í gegnum síðustu árin og margar erfiðar ákvarðanir hefur þurft að taka bæði í landsmálum sem og bæjarmálum á þessum tíma. En það er trú mín að Árni Sigfússon Bæjarstjóri hafi leitt okkur farsællega í gegnum þessa tíma og enn þurfum við að taka á í bæjarfélaginu og klára þá gjöfulu vinnu sem hafin er okkur og bæjarfélaginu til heilla.

Í forystutíð Árna Sigfússonar fyrir Sjálfstæðisflokkinn í Reykjanesbæ hefur mörgu verið áorkað fyrir okkar samfélag. Við búum í breyttu þjóðfélagi og bæjarfélagi en fyrir 12 árum síðan, okkar bær er nú öflugri, fallegri ásýndar og margfaldir möguleikar á öllum sviðum í bæjarlífinu. Sú sín og framtíð sem stefna sem bæjarstjórnin undir stjórn Árna Sigfússonar hefur haft að leiðarljósi hefur skilað okkur þessum jákvæða árangri. Árni Sigfússon hefur ætíð haft málefni fjölskyldunnar‚ atvinnu, íþrótta, aldraða og forvarnarmál í öndvegi. Setjum Árna Sigfússon Bæjarstjóra í 1. sætið í prófkjörinu og kjósum áframhaldandi velferð Sjálfstæðisflokksins í Reykjanesbæ.

Erlingur Bjarnason
Sjálfstæðismaður í Reykjanesbæ