Ánægjulegt að finna jákvæðan áhuga fyrir Reykjanesbæ
Stefnumótun okkar sjálfstæðismanna sem sett var fram í upphafi kjörtímabilsins 2002 var afar metnaðarfull varðandi skipulagsmálin og uppbyggingu nýrra byggingarsvæða ásamt öðrum málaflokkum.
Stefnan var sett á heildarendurskoðun þáverandi skipulags og lagði Reykjanesbær fyrst allra sveitarfélaga af stað í vinnu við „Rammaskipulag” á nýjum sem eldri hverfum. Skipulagt var svæðið austan og norðan Reykjanesbrautar frá Helguvík að landamærum í austri.
Markmiðið var að móta þróun byggðar á þegar byggðu landi og móta framtíðarsýn á nýju landsvæði til austurs með Fitjar sem fallegri umhverfismiðju. Ennfremur var lögð áhersla á mótun bæjarrýmis og yfirbragð bæjarins, þéttleika og samsetningu byggðar, umferð, umhverfismál, skólasvæði og gönguleiðir.
Viðbrögðin hafa ekki látið á sér standa. Nú ber mun meira á áhuga höfuðborgarbúa og annarra landsmanna á að fá lóðir í okkar bæ.
Á árinu 2003 voru gefin út alls 53 byggingarleyfi, árið 2004 voru gefin út 83 leyfi. Með skipulagsvinnu okkar opnaðist svo flóðgáttin á síðasta ári. Gefin voru út byggingarleyfi fyrir 486 íbúðum árið 2005. Og á fyrstu 6 vikum þessa árs hafa verið gefin út 95 byggingarleyfi.
Tjarnahverfi
Í kjölfar gerðar rammaskipulags hófst verkefnið fyrir tveimur árum á því að unnið var deiliskipulag að nýju 550 íbúðahverfi sem hlaut nafnið Tjarnahverfi. Gert var ráð fyrir því að það hverfi myndi byggjast upp á sjö til tíu árum en nú í dag er nánast allt hverfið komið í byggingu og malbikun gatna að ljúka.
Dalshverfi I
Því var strax hafist handa við nýtt hverfi austan Tjarnahverfis og brátt tóku umsóknir að streyma inn. Hverfið hlaut nafnið Dalshverfi. Um 500 íbúðir verða þar í blandaðri byggð og hefur áhugi á þeim einnig verið gríðarlega mikill.
Ásahverfi
Í framhaldi af því var skipulagi í Grænásnum breytt og skipulagðar 130 einbýlishúsalóðir. Eftir auglýsingu runnu lóðirnar út á tveimur dögum.
Dalshverfi II
Samhliða þessu var auglýst deiliskipulag fyrir Dalshverfi II um 500 íbúðir, sem ásamt Dalshverfi I mynda nýtt skólasvæði.
Umsóknarfrestur er runnin út og virðist svo sem að öllum lóðum verði úthlutað á næstunni.
Hæðarhverfi
Þessi mikla eftirspurn og fjölgun í Reykjanesbæ gefur tilefni til að ætla að skynsamlegt sé að skipuleggja næsta hverfi austan við Dalshverfi, Hæðarhverfi. Það gæti komið til úthlutunar á miðju ári.
Hlíðahverfi
Til viðbótar þessu berast þær ánægjulegu fréttir að einkaaðilar séu á lokastigum að undirbúa úthlutun á lóðum í Hlíðahverfi (Nikelsvæði) á milli gömlu Njarðvíkur og Keflavíkur, en þetta land keypti Húsagerðin upphaflega af ríkinu. Þetta er áhugavert land sem eflaust margir hafa beðið eftir að kæmi til framkvæmda.
Þessi mikli áhugi landsmanna á íbúðum í Reykjanesbæ er mjög ánægjulegur. Hann kemur ekki af sjálfu sér. Bærinn okkar nýtur aukinnar virðingar fyrir góða þjónustu við fjölskyldur, góða skóla, og öflugt íþrótta- og menningarlíf. Með fyrirhyggju í skipulagi hverfa hefur okkur tekist að svara óskum almennings með miklu lóðaframboði á góðu verði fyrir fjölskyldur.
Sigríður Jóna Jóhannesdóttir
bæjarfulltrúi Sjálfstæðisflokksins
Stefnan var sett á heildarendurskoðun þáverandi skipulags og lagði Reykjanesbær fyrst allra sveitarfélaga af stað í vinnu við „Rammaskipulag” á nýjum sem eldri hverfum. Skipulagt var svæðið austan og norðan Reykjanesbrautar frá Helguvík að landamærum í austri.
Markmiðið var að móta þróun byggðar á þegar byggðu landi og móta framtíðarsýn á nýju landsvæði til austurs með Fitjar sem fallegri umhverfismiðju. Ennfremur var lögð áhersla á mótun bæjarrýmis og yfirbragð bæjarins, þéttleika og samsetningu byggðar, umferð, umhverfismál, skólasvæði og gönguleiðir.
Viðbrögðin hafa ekki látið á sér standa. Nú ber mun meira á áhuga höfuðborgarbúa og annarra landsmanna á að fá lóðir í okkar bæ.
Á árinu 2003 voru gefin út alls 53 byggingarleyfi, árið 2004 voru gefin út 83 leyfi. Með skipulagsvinnu okkar opnaðist svo flóðgáttin á síðasta ári. Gefin voru út byggingarleyfi fyrir 486 íbúðum árið 2005. Og á fyrstu 6 vikum þessa árs hafa verið gefin út 95 byggingarleyfi.
Tjarnahverfi
Í kjölfar gerðar rammaskipulags hófst verkefnið fyrir tveimur árum á því að unnið var deiliskipulag að nýju 550 íbúðahverfi sem hlaut nafnið Tjarnahverfi. Gert var ráð fyrir því að það hverfi myndi byggjast upp á sjö til tíu árum en nú í dag er nánast allt hverfið komið í byggingu og malbikun gatna að ljúka.
Dalshverfi I
Því var strax hafist handa við nýtt hverfi austan Tjarnahverfis og brátt tóku umsóknir að streyma inn. Hverfið hlaut nafnið Dalshverfi. Um 500 íbúðir verða þar í blandaðri byggð og hefur áhugi á þeim einnig verið gríðarlega mikill.
Ásahverfi
Í framhaldi af því var skipulagi í Grænásnum breytt og skipulagðar 130 einbýlishúsalóðir. Eftir auglýsingu runnu lóðirnar út á tveimur dögum.
Dalshverfi II
Samhliða þessu var auglýst deiliskipulag fyrir Dalshverfi II um 500 íbúðir, sem ásamt Dalshverfi I mynda nýtt skólasvæði.
Umsóknarfrestur er runnin út og virðist svo sem að öllum lóðum verði úthlutað á næstunni.
Hæðarhverfi
Þessi mikla eftirspurn og fjölgun í Reykjanesbæ gefur tilefni til að ætla að skynsamlegt sé að skipuleggja næsta hverfi austan við Dalshverfi, Hæðarhverfi. Það gæti komið til úthlutunar á miðju ári.
Hlíðahverfi
Til viðbótar þessu berast þær ánægjulegu fréttir að einkaaðilar séu á lokastigum að undirbúa úthlutun á lóðum í Hlíðahverfi (Nikelsvæði) á milli gömlu Njarðvíkur og Keflavíkur, en þetta land keypti Húsagerðin upphaflega af ríkinu. Þetta er áhugavert land sem eflaust margir hafa beðið eftir að kæmi til framkvæmda.
Þessi mikli áhugi landsmanna á íbúðum í Reykjanesbæ er mjög ánægjulegur. Hann kemur ekki af sjálfu sér. Bærinn okkar nýtur aukinnar virðingar fyrir góða þjónustu við fjölskyldur, góða skóla, og öflugt íþrótta- og menningarlíf. Með fyrirhyggju í skipulagi hverfa hefur okkur tekist að svara óskum almennings með miklu lóðaframboði á góðu verði fyrir fjölskyldur.
Sigríður Jóna Jóhannesdóttir
bæjarfulltrúi Sjálfstæðisflokksins
