Ályktun og stuðningsyfirlýsing frá hjúkrunarráði HSS

Hjúkrunarráð Heilbrigðisstofnunar Suðurnesja lýsir heilshugar yfir stuðningi við kjarabaráttu hjúkrunarfræðinga á Landspítalanum. Hjúkrunarfræðingar á landsbyggðinni fylgjast náið með stöðunni þar, því ljóst er að sú barátta sem hjúkrunarfræðingar Landspítalans heyja þessa stundina mun hafa áhrif á alla starfandi hjúkrunarfræðinga hér á landi. Samstaða er nauðsynleg og greinilegt að hún hefur náðst meðal þeirra sem starfa á Landspítalanum. Jafna þarf launamun kynjanna og mikilvægt er að hjúkrunarfræðingum séu greidd laun miðað við þá menntun og ábyrgð sem þeir bera.  

Hjúkrunarráð HSS skorar á stjórnvöld og stjórnendur heilbrigðisstofnana að rétta hlut hjúkrunarfræðinga sem allra fyrst svo hægt sé að halda uppi þeirri góðu heilbrigðisþjónustu sem við viljum vera þekkt fyrir að veita.  