Alltaf fjölmennt á Glóðinni

Kaffiboð eldri borgara sem A-listinn hélt s.l. fimmtudag heppnaðist vel, fjöldinn allur af fólki lagði leið sína í kaffi á kosningaskrifstofu A-listans. Gestir hlýddu á ávarp Guðbrandar Einarssonar, ungir og upprennandi tónlistarmenn stigu á stokk og í boði voru gómsætar kræsingar sem frambjóðendur höfðu galdrað fram.
Súpufundurinn með Andra Snæ Magnasyni rithöfundi var bæði fjölmennur og fróðlegur. Andri Snær kynnti bók sína ,,Draumalandið” og ræddi tækifærin framundan. Á fundinum kom fram mikilvægt væri að byggja upp fjölbreytt atvinnulíf á Suðurnesjum í kjölfar brottfarar hersins.

Ábyrg fjármálastjórn - Reynir Valbergsson á súpufundi laugardaginn 8. apríl
Reynir Valbergsson ræðir fjárhagsstöðu Reykjanesbæjar og möguleikana í stöðunni á súpufundi laugardaginn 8. apríl kl. 11:00. Allir velkomnir.

HSS aftur í hendur heimamanna – Heilbrigðisráðherra á fundi 10. apríl
Mánudaginn 10. apríl kl 20:00 heldur A-listinn opinn málefnafundur um heilbrigðismál með Siv Friðleifsdóttur heilbrigðisráðherra. Allir velkomnir.

Fjör hjá ungum á föstudögum – Idolparty 7. apríl
Nóg er um að vera hjá ungu A-listafólki en á hverju föstudagskvöldi er spilaður póker á Glóðinni þar sem vegleg verðlaun eru í boði fyrir vinningshafann. Næsta föstudag, þann 7. apríl, verður einnig Idol partý á Glóðinni og hvetjum við ungt fólk í Reykjanesbæ að gera sér glaðan dag og mæta á Glóðina.

Brynja Lind Sævarsdóttir
Kosningastjóri A-listans