HSS
HSS

Aðsent

Mánudagur 26. janúar 2004 kl. 11:47

Alfa-námskeið í Garði

Miðvikudaginn 4.febrúar kl. 19 verður alfa-námskeið haldið í safnaðarheimilinu Sæborgu í Garði. Námskeiðinu verður framhaldið á miðvikudagskvöldum og stendur í tíu vikur. Hver kvöldstund hefst kl. 19 með kvöldmat og lýkur kl. 22.

Alfa eru skemmtileg og lifandi námskeið um kristna trú. Námskeiðin  byggjast upp á sameiginlegri máltíð, fyrirlestri, umræðu og stuttri samveru. Þau henta vel fyrir þá sem vilja kynna sér kristindóminn og heilaga ritningu á einfaldan og auðskiljanlegan hátt. Spurningar eins og - á kristin trú erindi við samtíð okkar? er Guð veruleiki? hvert er innhald kristindómsins? hvað segir kristin trú um þjáningu og dauða ? og fleiri tilvistarspurningar sem við öll glímum við eru meðal þess sem lagt er til grundvallar á Alfa námskeiðunum. Alfa er fyrsti stafurinn í gríska stafrófinu og er námskeiðið um undirstöðuatriði kristinnar trúar. Reynt er að hafa námskeiðið í notalegu og afslöppuðu umhverfi og er kennslan sett fram á einfaldan og aðgengilegan hátt.

 Alfa námskeið eru nú haldin í flestum kristnum kirkjudeildum í yfir 130 löndum um allan heim. Alfa hefur vakið gífurlega athygli enda hafa yfir fjórar milljónir sótt námskeiðið.  Alfa námskeið hafa verið haldin á Íslandi í nokkur ár og hefur þátttaka aukist á hverju ári.

Það er ástæða til að hvetja alla þá sem kost  eiga á til þátttöku.  

Björn Sveinn Björnsson
sóknarprestur Útskálum

Bílakjarninn
Bílakjarninn