Akkeri Suðurnesja í byggðamálum
Nú er fyrsta áfanga að tvöföldun Reykjanesbrautar lokið og Suðurnesjamenn og allir landsmenn fagna þessum tímamótum í samgöngum okkar Íslendinga. En betur má ef duga skal.
Áhugahópurinn um örugga Reykjanesbraut hefur fyrir nokkru hafist handa um að þrýsta á stjórnvöld að standa við gamalt loforð að ljúka tvöfölduninni frá Hafnafirði til Reykjanesbæjar fyrir árslok 2005. Hæstvirtur samgönguráðherra, Sturla Böðvarsson, sagði á hátíðarstundu af þessu tilefni vegna opnunar á ofangreindum áfanga í Glaðheimum í Vogunum, að það væri vilji þings og ríkisstjórnar að afla fjármuna til
að ljúka sem fyrst framkvæmdinni og að um tvo milljarða vantaði til að klára dæmið.
Suðurnesjamenn og aðrir vegfarendur Reykjanesbrautar þurfa að hafa tryggingu fyrir því að loforð ráðherrans verði ekki orðin tóm. Hér þarf að koma á enn öflugari þrýstihóp sem kæmi innan stjórnsýslunnar og samanstæði af sveitastjórnarmönnum á Suðurnesjum
ásamt þingmönnum Suðurkjördæmis sama hvaða stjórnmálaflokki þeir tilheyrðu.
Markmið þessa hóps yrði að gulltryggja framgang málefnisins og koma því í höfn.
Þá yrði hægt að hefja framkvæmdir að nýju strax á næsta ári og ljúka þessu þjóðþrifamáli sem alfyrst.
Eins og flestum er kunnugt hefur hallað mjög á í atvinnumálum á Suðurnesjum og undirstaðan, sjávarútvegurinn, í háa herrans tíð, verið svo gott sem hrifsaður í burt af svæðinu. Að auki hafa Suðurnesjamenn þurft að glíma við mikinn samdrátt í atvinnu og þjónustu fyrir Bandarískra herinn á Keflavíkurflugvelli. Þetta hefur komið hart í bakið á annars konar uppbyggingu og leitt til samdráttar, atvinnuleysis og fólksflótta víða af svæðinu.
Í hvert sinn sem styrkjum hefur verið útdeilt til landsbyggðarinnar frá Byggðastofnun til atvinnuuppbyggingar hafa Suðurnesjamenn oftast verið látnir sitja á hakanum. Landsbyggðarþingmenn aðrir hafa tryggt sínum kjördæmum það fjármagn sem Byggðastofnun hefur haft úr að moða en okkar þingmenn hins vegar komið heim tómhentir oftar en ekki en þó með þau skilaboð frá fjárveitingavaldinu:,, að þið Suðurnesjamenn hefðuð herinn. Nú er öldin önnur og því nauðsynlegt að taka rétta strikið og búa í haginn fyrir stórsókn inn í framtíðina. Á fundi með fulltrúum áhugahópsins með öllum þingmönnum Suðurkjördæmis í síðustu viku kom hugmynd fram hvort möguleiki væri á einkaframvæmd með gjaldtöku og hvort von væri á auknu fjármagni vegna aukinna tekna af bensíngjaldi. Verðlaunafé það sem Kristinn H. Gunnarsson, Framsóknarflokki nefndi svo í pontu á Alþingi fyrir stuttu, yfir fé það sem ríkinu hafði hlotnast af ólögmætu verðsamráði olíufélaganna, fyndist mér eðlilegt að yrði notað og skilað með því að klára tvöföldun Reykjanesbrautar. Hér er þó aðeins verið að tala um smá brot af þeim fjármunum sem ríkinu hlotnaðist vegna ofangreinds samráðs.
Baldvin Nielsen
Reykjanesbæ.
Situr í stjórn kjördæmisráðs Frjálslynda flokksins í Suðurkjördæmi og í landsráði.
Áhugahópurinn um örugga Reykjanesbraut hefur fyrir nokkru hafist handa um að þrýsta á stjórnvöld að standa við gamalt loforð að ljúka tvöfölduninni frá Hafnafirði til Reykjanesbæjar fyrir árslok 2005. Hæstvirtur samgönguráðherra, Sturla Böðvarsson, sagði á hátíðarstundu af þessu tilefni vegna opnunar á ofangreindum áfanga í Glaðheimum í Vogunum, að það væri vilji þings og ríkisstjórnar að afla fjármuna til
að ljúka sem fyrst framkvæmdinni og að um tvo milljarða vantaði til að klára dæmið.
Suðurnesjamenn og aðrir vegfarendur Reykjanesbrautar þurfa að hafa tryggingu fyrir því að loforð ráðherrans verði ekki orðin tóm. Hér þarf að koma á enn öflugari þrýstihóp sem kæmi innan stjórnsýslunnar og samanstæði af sveitastjórnarmönnum á Suðurnesjum
ásamt þingmönnum Suðurkjördæmis sama hvaða stjórnmálaflokki þeir tilheyrðu.
Markmið þessa hóps yrði að gulltryggja framgang málefnisins og koma því í höfn.
Þá yrði hægt að hefja framkvæmdir að nýju strax á næsta ári og ljúka þessu þjóðþrifamáli sem alfyrst.
Eins og flestum er kunnugt hefur hallað mjög á í atvinnumálum á Suðurnesjum og undirstaðan, sjávarútvegurinn, í háa herrans tíð, verið svo gott sem hrifsaður í burt af svæðinu. Að auki hafa Suðurnesjamenn þurft að glíma við mikinn samdrátt í atvinnu og þjónustu fyrir Bandarískra herinn á Keflavíkurflugvelli. Þetta hefur komið hart í bakið á annars konar uppbyggingu og leitt til samdráttar, atvinnuleysis og fólksflótta víða af svæðinu.
Í hvert sinn sem styrkjum hefur verið útdeilt til landsbyggðarinnar frá Byggðastofnun til atvinnuuppbyggingar hafa Suðurnesjamenn oftast verið látnir sitja á hakanum. Landsbyggðarþingmenn aðrir hafa tryggt sínum kjördæmum það fjármagn sem Byggðastofnun hefur haft úr að moða en okkar þingmenn hins vegar komið heim tómhentir oftar en ekki en þó með þau skilaboð frá fjárveitingavaldinu:,, að þið Suðurnesjamenn hefðuð herinn. Nú er öldin önnur og því nauðsynlegt að taka rétta strikið og búa í haginn fyrir stórsókn inn í framtíðina. Á fundi með fulltrúum áhugahópsins með öllum þingmönnum Suðurkjördæmis í síðustu viku kom hugmynd fram hvort möguleiki væri á einkaframvæmd með gjaldtöku og hvort von væri á auknu fjármagni vegna aukinna tekna af bensíngjaldi. Verðlaunafé það sem Kristinn H. Gunnarsson, Framsóknarflokki nefndi svo í pontu á Alþingi fyrir stuttu, yfir fé það sem ríkinu hafði hlotnast af ólögmætu verðsamráði olíufélaganna, fyndist mér eðlilegt að yrði notað og skilað með því að klára tvöföldun Reykjanesbrautar. Hér er þó aðeins verið að tala um smá brot af þeim fjármunum sem ríkinu hlotnaðist vegna ofangreinds samráðs.
Baldvin Nielsen
Reykjanesbæ.
Situr í stjórn kjördæmisráðs Frjálslynda flokksins í Suðurkjördæmi og í landsráði.
