Aðgangur öryrkja að tómstunda- og félagsstarfi á vegum Reykjanesbæjar

Á fundi þ. 16. des. sl. samþykkti bæjarstjórn Reykjanesbæjar tillögu  undirritaðs þess efnis að bæjarstjóra yrði falið, í samvinnu við fjölskyldu-  og félagsþjónustu og menningar,- íþrótta- og tómstundaskrifstofu, að kanna  hvort hægt væri að heimila öryrkjum að taka þátt í og nýta sér ýmis  tómstundatilboð, sem sveitarfélagið býður öldruðum og fötluðum í dag. Ástæða  tillögunar er sú að nokkuð mun vera um öryrkja, sem hvorki tilheyra eldri  borgurum né fötluðum, sem eru ekki í vinnu en gætu og myndu vilja hafa  aðgang að því félagsstarfi sem í boði er.

Gert er ráð fyrir að bæjarstjóri skili niðurstöðum könnunarinnar í febrúar  og vonandi verður hún jákvæð og þar með hægt að heimila öryrkjum aðgang að  ýmsum tómstundatilboðum á vegum sveitarfélagsins.

Kær kveðja

Kjartan Már Kjartansson,
bæjarfulltrúi Framsóknarflokksins