Aðalfundur Björgunarsveitarinnar Ægis á mánudagskvöld

Aðalfundur Björgunarsveitarinnar Ægis í Garði verður haldinn á mánudagskvöldið, 27. mars, kl. 20:00 í björgunarstöðinni Þorsteinsbúð við Gerðaveg í Garði.

Á dagskrá verða venjuleg aðalfundarstörf.

Framundan hjá Björgunarsveitinni Ægi er að halda upp á 70 ára afmæli sveitarinnar, en sveitin náði þeim merka áfanga í fyrra. Hins vegar var ákveðið að fresta afmælishaldinu til þessa árs og ljúka við endurbætur á björgunarstöðinni í Garði.

Sveitin hefur yfir að ráða glæsilegri félagsaðstöðu og nýjum tækjakosti. Þannig hefur sveitin nýlega tekið í notkun tvær nýjar björgunarbifreiðar og einnig endurnýjað bátakost sveitarinnar.

Fundurinn hefst kl. 20:00 eins og áður segir og eru nýir félagsmenn ávallt velkomnir til starfa.