Á móti samþjöppun valds

Meirihluti hreppsnefndar Gerðahrepps ætlar að sameina þær nefndir sem fjalla um skólamál í eina nefnd, eins og víða er gert í sveitarfélögum. Finnbogi Björnsson (H) lét bóka sérstaklega við síðari umræðu um þetta mál, að hann lýsti áhyggjum sínum á samþjöppum valds í eina nefnd.
Brynja Pétursdóttir (H) tók undir bókun Finnboga og lýsti yfir áhyggjum sínum varðandi málið.
Tillaga um sameiningu í eina nefnd var samþykkt og verður kosið í nefndina á fyrirhuguðum fundi hreppsnefndar þann 2. júlí n.k.