A-listinn opnar kosningaskrifstofu í Reykjanesbæ

A-listinn í Reykjanesbæ opnar kosningaskrifstofu sína að Hafnargötu 62 á sunnudaginn kl. 16:00 í húsnæði Framsóknarfélaganna og húsnæði Glóðarinnar.

A-listamenn bjóða alla velkomna á opnun kosningaskrifstofunnar þar sem boðið verður upp á kaffi og A-lista köku. Opnunartími kosningaskrifstofu er frá 17:00 til 22:00 alla virka daga fram að kosningum sem verða þann 27. maí. Einnig verður opið á laugardögum kl. 10-12.

Sími á skrifstofunni er 421-8030.

Fulltrúaráð Framsóknarflokks og Samfylkingar í Reykjanesbæ funda á næstunni þar sem tillögur uppstillinganefndar verða ræddar í þaula og má væntanlega gera ráð fyrir að fullskipaður listi verði kynntur formlega á næstunni.