Keflvísk kennslustund á AlJazeera

ay-uh-fyat-luh-yoe-kuutl-ul, þetta stóra, stílhreina og fallega nafn á eldstöðinni sem hefur sett Evrópu úr skorðum, hefur verið sannkallaður tungubrjótur hjá fréttamönnum heimspressunnar. Þeir átta sig sjálfir á því hversu framburður þeirra á nafninu er hræðilegur og hafa gert góðlátlegt grín af sjálfum sér.

Síðustu daga hafa stóru fréttastöðvarnar verið að kalla til Íslendinga til að kenna þeim framburðinn á „Eyjafjallajökull“. Alþjóðlega fréttastofan AlJazeera fékk hina keflvísku Elízu Geirsdóttur Newman til að segja frá nafninu „Eyjafjallajökull“ og kenna þeim framburðinn. Hún setti saman lag sem er hér meðfylgjandi.